ଓଡ଼ିଶା ଫାଷ୍ଟ(ବ୍ୟୁରୋ): ଗୋଲ୍ଡେନ ବାବା ସହ ମେୟର ଓ ମନ୍ତ୍ରୀ ଅଶୋକ ପଣ୍ଡା ଙ୍କ ଫଟୋ ଆଜି ସକାଳେ ଇନ୍ଦିରା ଗାନ୍ଧୀ ପାର୍କର ଫାଟକରେ ଲଗାଯାଇଥିବା ଦେଖିବାକୁ ମିଳିଥିଲା । ନିର୍ବାଚନ ଯେତେ ପାଖାଉଛି ଗୋଲ୍ଡେନ ବାବା ମେୟର ଲିଙ୍କ ସେତିକି ଜୋରଧରୁଛି । ଛାତ୍ର କଂଗ୍ରେସ ଲଗାତାର ପ୍ରତିବାଦ କରି ବିଜେଡ଼ି କୁ ଆକ୍ରମଣ କରି ଆସୁଛି । କିଛି ଦିନ ତଳେ ଛାତ୍ର କଂଗ୍ରେସ ଆବାହକ ଇତିଶ ପ୍ରଧାନ ଙ୍କ ନେତୃତ୍ୱରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମେୟର ଓ ଅଶୋକ ପଣ୍ଡା ଙ୍କ କୁଶପୁଳିକା ଦାହ କରିବା ସହ ପୋଲିସ କୁ ଅଣ୍ଡା ମାଡ଼ କରିଥିଲେ । ଏହି ଘଟଣାରେ କଂଗ୍ରେସର ୬ ରୁ ୭ ଜଣ କର୍ମୀ ଗିରଫ ହୋଇଥିଲେ । ଗତକାଲି ଇତିଶ୍ ପ୍ରଧାନଙ୍କ ବିରୁଦ୍ଧରେ ପୋଲିସ ଲଗାଇଥିଲା ସଙ୍ଗିନ ଦଫା ୧୧୦ । ଏହାର ପ୍ରତିଶୋଧ ରେ ଛାତ୍ର କଂଗ୍ରେସ ଏଭଳି ପୋଷ୍ଟର ଲଗାଇଥିବା ରାଜନୈତିକ ମହଲରେ ଚର୍ଚ୍ଚା ହେଉଛି । ମାତ୍ର ଏହି ପୋଷ୍ଟର କିଏ ଲଗାଇଛି ତାହା ବର୍ତ୍ତମାନ ପର୍ଯ୍ୟନ୍ତ ଜଣାପଡିନାହିଁ ।
