ବର୍ତ୍ତମାନର ବ୍ୟସ୍ତ ଲାଇଫଷ୍ଟାଇଲ ଯୋଗୁଁ ଅଧିକାଂଶ ଲୋକଙ୍କର ଅଣ୍ଟା ସମସ୍ୟା ଦେଖାଦେଉଛି । ଅଫିସରେ କାମ କରିବା ସମୟରେ କମ୍ପ୍ୟୁଟର ଆଗରେ ଅଧିକ ସମୟ ବସିରହିବା କିମ୍ବା ଘଣ୍ଟା ଘଣ୍ଟା ଧରି ଛିଡା ହୋଇ ରହି କିଛି କାମ କରିବା କାରଣରୁ ଆଜିକାଲି ଅନେକଙ୍କ ଠାରେ ଅଣ୍ଟା ଯନ୍ତ୍ରଣା ଜିନତ ସମସ୍ୟା ଦେଖାଦେଉଛି । ହେଲେ ଘରୋଇ ଉପାୟରେ ଏହି ସମସ୍ୟାରୁ ମୁକ୍ତି ମିଳିପାରିବ ।
-ଅଣ୍ଟା ଦରଜ ସମସ୍ୟାରୁ ମୁକ୍ତି ପାଇବାକୁ ଆପଣଙ୍କ ଘରେ ରହିଛି ବଇଦ । ଏଥିରୁ ମୁକ୍ତି ପାଇବାକୁ ହେଲେ ୨ ଗ୍ରାମ ଡାଲଚିନି ଗୁଣ୍ଡରେ ୧ ଚାମଚ ମହୁ ମିଶାଇ ଖାଆନ୍ତୁ । ଦିନକୁ ଅତି କମରେ ଦୁଇଥର ଏହି ମିଶ୍ରଣକୁ ସେବନ କରନ୍ତୁ । କିଛି ଦିନ ପରେ ଫରକ ଜାଣିପାରିବେ ।
-ଅଣ୍ଟା ଦରଜରୁ ମୁକ୍ତି ପାଇବା ପାଇଁ ଡାଲଚିନିର ଏକ ଡ୍ରିଙ୍କସ୍ ମଧ୍ୟ ପ୍ରସ୍ତୁତ କରିପାରିବେ । ଏଥିପାଇଁ ପ୍ରଥମେ ଏକ ପାତ୍ରରେ ପାଣି ନେଇ ସେଥିରେ କିଛି ଡାଲଚିନି ଗୁଣ୍ଡ ମିଶାଇ ସିଝିବାକୁ ଛାଡିଦିଅନ୍ତୁ । ଏହି ପାଣିକୁ ଛାଣି ଥଣ୍ଡା କରି ସେଥିରେ ଏକ ଚାମଚ ମହୁ ମିଶାନ୍ତୁ । ଏପରି ଡ୍ରିଙ୍କସକୁ ଦିନକୁ ଦୁଇ ଥର ସେବନ କଲେ ଅଣ୍ଟା ଦରଜରୁ ଉପଶମ ମିଳିବ । ଖାଲି ପେଟରେ ହିଁ ଡାଲଚିନି ଗୁଣ୍ଡ ବା ଡାଲଚିନିରେ ପ୍ରସ୍ତୁତ ପାନୀୟକୁ ଦିନରେ ଓ ରାତିରେ ଖାଲି ପେଟରେ ସେବନ କରନ୍ତୁ ।
-ଡାଲଚିନି ଅଧିକ ଖାଇବା ମଧ୍ୟ ସ୍ୱାସ୍ଥ୍ୟ ପାଇଁ କ୍ଷତିକାରକ । କାରଣ ଡାଲଚିନି ଏକ ଉଷ୍ମକାରକ ଦ୍ରବ୍ୟ ହୋଇଥିବାରୁ ଏହାକୁ ଅଧିକ ଖାଇବା ଫଳରେ ପେଟ ଖରାପ ହେବା ସମ୍ଭାବନା ରହିଥାଏ । ତେଣୁ ସଠିକ୍ ମାତ୍ରା ଉପରେ ଗୁରୁତ୍ୱ ଦିଅନ୍ତୁ ।