ଓଡ଼ିଶା ଫାଷ୍ଟ(ବ୍ୟୁରୋ): କିଟ ନେପାଳି ଛାତ୍ରୀ ଅପମୃତ୍ୟୁ ମାମଲାକୁ ଖୋଳିତାଡି ପ୍ରଚାର କରୁଥିବା ଓଟିଭି, ସଂକଳ୍ପ ଙ୍କ ଅପମୃତ୍ୟୁ ନେଇ କାହିଁକି ମୌନବ୍ରତ ଗ୍ରହଣ କରିଛି ବୋଲି ଅନେକ ପ୍ରଶ୍ନ କରିବା ଆରମ୍ଭ କଲେଣି ।
ସୂଚନା ମୁତାବକ, ୨୫ ବର୍ଷୀୟ ସଂକଳ୍ପ ମହାନ୍ତି ଓଟିଭି ଡିଜିଟାଲ୍ ସେଲସ୍ ରେ ମ୍ୟାନେଜମେଣ୍ଟ ଟ୍ରେନି ଭାବେ କାର୍ଯ୍ୟ କରୁଥିଲେ । ସବୁଦିନ ପରି ୩ତାରିଖ ରାତିରେ ସଂକଳ୍ପ ଅଫିସ ରୁ ଜାଗମରା ପଞ୍ଚସଖା ନଗର ସ୍ଥିତ ଭଡା ଘରକୁ ଫେରିଥିଲେ । ସେଠାରେ ବିଳମ୍ବିତ ରାତି ପର୍ଯ୍ୟନ୍ତ ତାଙ୍କ କୌଣସି ବନ୍ଧୁ ସହିତ ଛାତ ଉପରେ କଥା ହେଇଥିଲେ । କିନ୍ତୁ ସକାଳୁ ସଂକଳ୍ପଙ୍କ ମୃତଦେହ ଘରର ପଛପଟେ ପଡ଼ିଥିବା ଦେଖିବାକୁ ମିଳିଥିଲା । ଖବର ପାଇ ପୁଲିସ ସେଠାରେ ପହଞ୍ଚି ମୃତଦେହ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ୍ ହସ୍ପିଟାଲ୍ ଆଣିଥିଲା । ଖବର ପାଇ ପରିବାର ଲୋକ ହସ୍ପିଟାଲ୍ ରେ ପହଞ୍ଚିବା ସହ ସଂକଳ୍ପ ଙ୍କୁ କେହି ହତ୍ୟା କରିଥିବା ଖଣ୍ଡଗିରି ଥାନାରେ ଅଭିଯୋଗ କରିଛନ୍ତି ।
ତେବେ ଦେଢ଼ମାସ ତଳେ ନେପାଳୀ ଛାତ୍ରୀଙ୍କ ଆତ୍ମହତ୍ୟା ଘଟଣାକୁ ନେଇ ଓଟିଭି ଦିନରାତି ଗୋଟିଏ କରି କିଟ୍ କୁ ରାଜ୍ୟ ଓ ରାଜ୍ୟ ବାହାରେ ବଦନାମ କରିଥିଲା । ଏହାର କିଛିଦିନ ପରେ ମଞ୍ଚେଶ୍ୱରର ଏକ ନିର୍ମାଣାଧୀନ କୋଠାରୁ କିଟ୍ ର ପଶ୍ଚିମବଙ୍ଗର ଜଣେ ତୃତୀୟ ବର୍ଷର ଇଂଜିନିୟରିଂ ଛାତ୍ରଙ୍କର ମୃତଦେହ ଉଦ୍ଧାର ହୋଇଥିଲା ।
ଯାହା ନେପାଳି ଛାତ୍ରୀ ମୃତ୍ୟୁ ପରେ ଓଟିଭି କୁ କିଟ ବିରୁଦ୍ଧରେ ଆଉ ଏକ ସୁବର୍ଣ୍ଣ ସୁଯୋଗ ମିଳିଯାଇଥିଲା । ତାକୁ ବା କିପରି ହାତଛଡା କରିଥାନ୍ତା ଓଟିଭି । ଛାତ୍ର ଟି ମଞ୍ଚେଶ୍ୱର ଯିବା ପାଇଁ ବି କିଟ୍ କର୍ତ୍ତୃପକ୍ଷଙ୍କୁ ଦାୟୀ କରି ଖବର ପ୍ରସାରଣ କରିଥିଲା ଏହି ଚ୍ୟାନେଲ ।
ଏବେ ନିଜ ସଂସ୍ଥାର ଜଣେ କର୍ମଚାରୀଙ୍କର ସନ୍ଦେହହଜନକ ମୃତ୍ୟୁ ଏବଂ ତାଙ୍କ ପରିବାର ହତ୍ୟା ଅଭିଯୋଗ ଆଣିବା ପରେ ଓଟିଭି ଏହି ଖବରକୁ ସେଭଳି ଗୁରୁତ୍ୱ ଦେଇ କାହିଁକି ପ୍ରସାରଣ କରୁନାହିଁ ବୋଲି ଅନେକ କଟାକ୍ଷ କରିଛନ୍ତି । ତେବେ ଓଟିଭି ମାଲିକ ଏବେ ଚିନ୍ତା ଥିବା ଚର୍ଚ୍ଚା ହେଉଛି । କାଳେ କିଟ୍ ପାଇଁ ଗାତ ଖୋଳୁ ଖୋଳୁ ନିଜେ ସେ ସଂକଳ୍ପ ଅପମୃତ୍ୟୁ ଗାତରେ ପଡିଯିବନିତ ବୋଲି ଚିନ୍ତା ରେ ଥିବା ଅନେକ ବୁଦ୍ଧିଜୀବୀ ମତ ରଖିଛନ୍ତି ।