ମଲ୍ଟିମିଡିଆ ପ୍ଲେୟାର ଭିଏଲସି ଉପରେ ଲାଗିଥିବା ବ୍ୟାନ ଆଦେଶ ହଟିଛି। ଏବେ ୟୁଜର୍ସମାନେ ଭାରତରେ ଏହାକୁ ଡାଉନଲୋଡ କରିପାରିବେ। କିଛି ମାସ ତଳେ ଭାରତ ସରକାର ଭିଏଲସି ଉପରେ ରୋକ ଲଗାଇଥିଲେ। ଆଜି ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରଣାଳୟ ବ୍ୟାନକୁ ହଟାଇ ଦେଇଛି।
ବ୍ୟାନ ହଟିଥିବାରୁ ଲୋକମାନେ ଭିଡିଓଲାନର ୱେବସାଇଟକୁ ଯାଇ ଭିଏଲସିକୁ ଡାଉନଲୋଡ କରିପାରିବେ।
ଏଯାଏ ୭୩ ମିଲିୟନ ଲୋକ ଏହାକୁ ଡାଉନଲୋଡ କରି ସାରିଲେଣି। ଏବେ ବି ଅନେକ ଡାଉନଲୋଡ୍ ପ୍ରକ୍ରିୟା ଜାରି ରଖିଛନ୍ତି। ତେବେ କ’ଣ ପାଇଁ ଭିଏଲସି ଉପରେ ବ୍ୟାନ ଲଗା ଯାଇଥିଲା ଓ ଏବେ କାହିଁକି ଏହାକୁ ପୁଣି କାର୍ଯ୍ୟକ୍ଷମ କରାଗଲା, ସେକଥା ଜଣାପଡ଼ିନି।