୫ଟି ସଚିବ ଭି କେ ପାଣ୍ଡିଆନ ଙ୍କୁ ‘ମୁଖ୍ୟମନ୍ତ୍ରୀ ମହୋଦୟ’ କହି ସମ୍ବୋଧନ କଲେ ବରିଷ୍ଠ ବିଜେଡି ବିଧାୟକ ଦେବୀ ମିଶ୍ର । ଗତକାଲି କଟକ ଜିଲ୍ଲାର ବଡମ୍ବା ବ୍ଲକର କଚେରୀ ପଡ଼ିଆର ‘ଆମ ଓଡିଶା ନବୀନ ଓଡିଶା’ କାର୍ଯ୍ୟକ୍ରମରେ ଭାଷଣ ଦେବା ସମୟରେ ଶ୍ରୀ ମିଶ୍ର ଏହା କହିଥିଲେ ।
ଏହି କାର୍ଯ୍ୟକ୍ରମ ବେଳେ ଭିଡିଓ କନଫରେନ୍ସ ଜରିଆରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ୫ଟି ସଚିବ ଭିକେ ପାଣ୍ଡିଆନ ଉପସ୍ଥିତ ରହିଥିଲେ । ତେବେ ମୁଖ୍ୟମନ୍ତ୍ରୀ ଙ୍କ ସମ୍ମୁଖରେ ପାଣ୍ଡିଆନ ସାରଙ୍କୁ ମୁଖ୍ୟମନ୍ତ୍ରୀ କହିବାକୁ ନେଇ ଚର୍ଚ୍ଚା ଜୋର ଧରିଛି । ପ୍ରକୃତରେ ସେ ଭୁଲ ରେ ଏହା କହିଥିଲେ ନା ତାଙ୍କୁ ଏପରି କହିବାକୁ ଉପରୁ ନିର୍ଦ୍ଦେଶ ଥିଲା ବୋଲି ରାଜନୈତିକ ବିଶେଷଜ୍ଞ ମତ ରଖିଛନ୍ତି । କାହିଁକି ନା ଏହା ପ୍ରଥମ ଥର ନୁହେଁ । ପୂର୍ବରୁ ମଧ୍ଯ ବିଜେଡି ସାଂସଦ ପ୍ରମିଳା ବିଶୋୟୀ ପାଣ୍ଡିଆନଙ୍କୁ ଆମ ପ୍ରିୟ ମୁଖ୍ୟମନ୍ତ୍ରୀ ବୋଲି ସମ୍ବୋଧନ କରିଥିଲେ ।