ଭୁବନେଶ୍ଵର(ଓଡିଶା ଫାଷ୍ଟ ବ୍ୟୁରୋ):ବିଶାଖାପାଟଣା-ରାୟଗଡା ପାସେଞ୍ଜର ଟ୍ରେନ ଲାଇନଚ୍ୟୁତ । ବିଜୟନଗରମ ଆଲମଣ୍ଡା ଷ୍ଟେସନ ନିକଟରେ ଏହି ଟ୍ରେନର କିଛି ବଗି ଲାଇନଚ୍ୟୁତ ହୋଇଛି । ଆନ୍ଧ୍ରପ୍ରଦେଶର ଆଲମଣ୍ଡା ଓ କଣ୍ଟକାପଲ୍ଲୀ ଷ୍ଟେସନ୍ ମଧ୍ୟରେ ଏହି ଦୁର୍ଘଟଣା ଘଟିଛି । ଟ୍ରେନର ୪ଟି ବଗି ଲାଇନଚ୍ୟୁତ୍ ହୋଇଥିବା ସୂଚନା ମିଳିଛି । ତେବେ ଏଥିରେ କାହାର କ୍ଷୟକ୍ଷତି ନେଇ କୌଣସି ସବିଶେଷ ତଥ୍ୟ ମିଳିପାରି ନାହିଁ । ମୃତାହତ ନେଇ କୌଣସି ସୂଚନା ସ୍ପଷ୍ଟ ହୋଇନି । ଉଦ୍ଧାର ଅପରେସନ ଜାରି ରହିଛି ।
