ନୂଆଦିଲ୍ଲୀ: ଅଷ୍ଟ୍ରେଲିଆର ଅଲ୍ରାଉଣ୍ଡର ଗ୍ଲେନ୍ ମ୍ୟାକ୍ସୱେଲ ଶୁକ୍ରବାର ଭାରତୀୟ ବଂଶୋଦ୍ଭବ ଭିନି ରମଣଙ୍କୁ ବିବାହ କରିଛନ୍ତି। ସେ ଇନଷ୍ଟାଗ୍ରାମରେ ଏକ ଫଟୋ କ୍ୟାପସନ୍ ‘ଶ୍ରୀ ଏବଂ ଶ୍ରୀମତୀ ମ୍ୟାକ୍ସୱେଲ’ ଲେଖି ପୋଷ୍ଟ୍ କରିଛନ୍ତି ।
ରମଣ ମେଲବୋର୍ଣ୍ଣରେ ଜଣେ ଫାର୍ମାସିଷ୍ଟ ଭାବେ ଅବସ୍ଥାପିତ ଅଛନ୍ତି। ମ୍ୟାକ୍ସୱେଲ ଏକ ଫଟୋ ପୋଷ୍ଟ କରି କହିଛନ୍ତି, ‘ପ୍ରେମ ହେଉଛି ଜୀବନକୁ ସନ୍ଧାନ କରିବାର ଏକ ମାଧ୍ୟମ ଏବଂ ତୁମକୁ ପାଇବା ପରେ ଏହାକୁ ମୁଁ ସମ୍ପୂର୍ଣ୍ଣ ଅନୁଭବ କରୁଛି।’
ସୁରକ୍ଷା କାରଣରୁ ତାଙ୍କର ବିବାହ ଉତ୍ସବରେ ମୋଟ ୩୫୦ ଘନିଷ୍ଠ ବନ୍ଧୁ ଯୋଗ ଦେଇଥିଲେ । ଇଣ୍ଡିଆନ ପ୍ରିମିୟର ଲିଗର ଜଣେ ପୂର୍ବତନ ସାଥୀ ମ୍ୟାକ୍ସୱେଲଙ୍କୁ ସତର୍କ କରାଇଥିଲେ ଯେ, ତାମିଲ ଭାଷାରେ ମେଲବୋର୍ଣ୍ଣ ଇଭେଣ୍ଟରେ ଯୋଗ ଦେବା ପାଇଁ ଏକ ନିମନ୍ତ୍ରଣ ଅନଲାଇନରେ ସେୟାର କରାଯାଉଛି।
