ଓଡ଼ିଶା ଫାଷ୍ଟ(ବ୍ୟୁରୋ): ସ୍ୱାମୀ ଏଲଆଇସି ଏଜେଣ୍ଟ ସ୍ତ୍ରୀ ଭୁବନେଶ୍ୱର ୟୁନିଟ ୬ ସିଟି ସ୍କୁଲର ସହକାରୀ ଶିକ୍ଷୟତ୍ରୀ । ଭିଜିଲାନ୍ସ ରେଡ ସମୟରେ ଜବତ ହୋଇଛି କୋଟିକୋଟି ଟଙ୍କାର ସମ୍ପତ୍ତିର ଦସ୍ତାବିଜ । ଯାହାକୁ ନେଇ ରାଜଧାନୀରେ ଚହଳ ପଡିଛି ।
ସୂଚନା ଅନୁଯାୟୀ, ଭୁବନେଶ୍ୱର ୟୁନିଟ ୯ର ସରକାରୀ କ୍ୱାଟର ରେ ରହୁଥିବା ଏବଂ ୟୁନିଟ ୬ ସିଟି ଟ୍ରେନିଂ ସ୍କୁଲର ଶିକ୍ଷୟିତ୍ରୀ ତିଳୋତମା ମହାନ୍ତିଙ୍କ ଘରେ ଆୟବହିର୍ଭୁତ ସମ୍ପତ୍ତି ଅଭିଯୋଗରେ ଗତକାଲି ଭିଜିଲାନ୍ସ ରେଡ ହୋଇଥିଲା । ଏହି ରେଡ଼ ତିଳୋତମାଙ୍କ ସରକାରୀ କ୍ଵାଟର ସମେତ ୩ଟି ଘରେ ଏକାସାଙ୍ଗରେ ହୋଇଛି । ରେଡ଼ ସମୟରେ ଭିଜିଲାନ୍ସ ଟିମ ନଗଦ ୩୬ ଲକ୍ଷ ଟଙ୍କା ଜମା ହୋଇଥିବା ବ୍ୟାଙ୍କ ଖାତା, ୧୮ଟି ଏଲଆଇସି ବଣ୍ଡ, ୯ଟି ପ୍ଲଟ ଏବଂ ୨ଟି ଘରର ଦସ୍ତାବିଜ ଜବତ ହୋଇଛି । ଜଣେ ସିଟି ସ୍କୁଲର ସହକାରୀ ଶିକ୍ଷୟତ୍ରୀଙ୍କ ପାଖରେ କୋଟିକୋଟି ଟଙ୍କାର ସମ୍ପତ୍ତି ଜବତ ହେବା ରାଜଧାନୀ ବାସୀଙ୍କୁ ଚକିତ କରିଛି ।