ଭୁବନେଶ୍ୱର (ଓଡ଼ିଶା ଫାଷ୍ଟ ବ୍ୟୁରୋ): ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବ୍ରଜରାଜନଗର ପ୍ରଚାରରେ ମଇଦାନକୁ ଓହ୍ଲାଇଛନ୍ତି । ପ୍ରଚାର ସମୟରେ ରାଜ୍ୟ ସରକାରଙ୍କୁ ୩ଟି ପ୍ରଶ୍ନ ପଚାରି ଟାର୍ଗେଟ କରିଛନ୍ତି ଧର୍ମେନ୍ଦ୍ର ପ୍ରଧାନ । ଲଖନପୁର ବ୍ଲକ୍ ବାଗମୁଣ୍ଡାରେ ଏହି ପ୍ରଶ୍ନ ପଚରା ଯାଇଛି। ୨୨ ବର୍ଷ ଶାସନ ଭିତରେ ଲୋକ କାହିଁକି ଦାଦନ ଖଟିବାକୁ ଯାଉଛନ୍ତି। ଆୟୁଷ୍ନାନ ଭାରତ ଯୋଜନାକୁ ରାଜ୍ୟ ସରକାର କାହିଁକି ଲାଗୁ କରୁନାହାନ୍ତି ଏବଂ ହୀରାକୂଦ ନଦୀବନ୍ଧ ପାଇଁ ଲୋକେ ସବୁ ତ୍ୟାଗ କଲେ ହେଲେ ଏପର୍ଯ୍ୟନ୍ତ ଥଇଥାନ କରାଯାଇ ନାହିଁ ବୋଲି ମଧ୍ୟ ପଚରାଯାଇଛି ।
ସୁଚନା ଅନୁସାରେ ବ୍ରଜରାଜନଗର ଉପନିର୍ବାଚନରେ ବିଜେପି ପ୍ରାର୍ଥୀ ରାଧାରାଣୀ ପଣ୍ଡାଙ୍କ ପାଇଁ ପ୍ରଚାର କରୁଛନ୍ତି ଧର୍ମେନ୍ଦ୍ର ପ୍ରଧାନ । ତେବେ ଆସନ୍ତା ୩୧ ତାରିଖରେ ବ୍ରଜରାଜନଗରରେ ହେବାକୁ ଥିବା ଉପନିର୍ବାଚନ ପାଇଁ ଜୋରସାରରେ ଚାଲିଛି ପ୍ରଚାର ।
ସବୁ ଦଳ ନିଜ ନିଜର ଷ୍ଟାର କ୍ୟାମ୍ପେନଙ୍କୁ ପ୍ରଚାର ମୈଦାନକୁ ଓହ୍ଲାଇ ସାରିଲେଣି । ଏହି ପ୍ରରିପେକ୍ଷୀରେ ଆଜି ବିଜେପି ପ୍ରାର୍ଥୀ ରାଧାରାଣୀ ପଣ୍ଡାଙ୍କ ପାଇଁ ବ୍ରଜରାଜନଗରରେ ମାରାଥନ ପ୍ରଚାର କରୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।