ନୂଆଦିଲ୍ଲୀ (ଓଡ଼ିଶା ଫାଷ୍ଟ ବ୍ୟୁରୋ): ଜାମ୍ମୁ-ଶ୍ରୀନଗର ଜାତୀୟ ରାଜପଥ ରାମବନ୍ ଜିଲ୍ଲାର ନିର୍ମାଣାଧୀନ ଚାରି ଲେନ ବିଶିଷ୍ଟ ଟନେଲର ଏକ ଅଂଶ ଗତ ରାତିରେ ଭୁଷୁଡ଼ି ପଡ଼ିବାରୁ ୧୦ ଜଣଙ୍କ ମଧ୍ୟରୁ ୨ ଜଣଙ୍କୁ ଉଦ୍ଧାର କରାଯାଇଛି ବୋଲି ଜାମ୍ମୁ କାଶ୍ମୀର ବିପର୍ଯ୍ୟୟ ପରିଚାଳନା କର୍ତୃପକ୍ଷ ସୂଚନା ଦେଇଛି।
ଏହି ନିର୍ମାଣାଧୀନ ଟନେଲ୍ ଭୁଷୁଡ଼ିବା ପରେ ପ୍ରାୟ ୧୦ ଜଣ ଶ୍ରମିକ ଆବର୍ଜନାରେ ଚାପି ହୋଇଯାଇଥିଲେ। ଆହତ ଅବସ୍ଥାରେ ଉଦ୍ଧାର କରାଯାଇ ୨ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଉଦ୍ଧାର କାର୍ଯ୍ୟ ଜାରି ରହିଛି। ସେ ସ୍ଥାନରୁ ସମୟ ସମୟରେ ପଥର ଖସୁଥିବାରୁ ରାତି ପ୍ରାୟ ୧୨ଟାରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ସମ୍ପୃକ୍ତ ସ୍ଥାନକୁ ଅଧିକ ପ୍ରଶସ୍ତ କରିବା ଲାଗି ପାଠ ଭଙ୍ଗା ଯାଉଛି।
ନିଖୋଜ ଥିବା ବ୍ୟକ୍ତିମାନଙ୍କ ମଧ୍ୟରେ ପଶ୍ଚିମବଙ୍ଗର ଯାଦବ ରାୟ (୨୩), ଗୌତମ ରାୟ (୨୨), ସୁଧୀର ରାୟ (୩୧), ଦୀପକ ରାୟ (୩୩), ପରିମଳ ରାୟ (୩୮), ଆସାମର ଶିବ ଚୌହାନ (୨୬), ନେପାଳର ନାବରାଜ ଚୌଧୁରୀ (୨୬) ଏବେ ଜାମ୍ମୁ କାଶ୍ମୀରର ମୁଜାଫର (୩୮) ଏବଂ ଇଶରତ (୩୦) ଅଛନ୍ତି।