ଓଲିଉଡ୍ ସୁପରଷ୍ଟାର ବାବୁସାନ୍ ମହାନ୍ତିଙ୍କୁ ଭେଟିବା ଲାଗି ଆଜି ତାଙ୍କ ସ୍ତ୍ରୀ ତୃପ୍ତି ଶତପଥୀ ସମ୍ ହସ୍ପିଟାଲରେ ପହଞ୍ଚିଛନ୍ତି। ତୃପ୍ତି ବାବୁସାନ୍ ମହାନ୍ତିଙ୍କ ପାରିବାରିକ ବନ୍ଧୁ ତଥା ଜଣାଶୁଣା ଅଭିନେତା ରବି ମିଶ୍ରଙ୍କ ସହ ପହଞ୍ଚିଥିବା ଜଣାଯାଇଛି। ଏବେ ବାବୁସାନ୍ ସୁସ୍ଥ ଥିବା ଜଣାଯାଇଛି। ଆଜି ହସ୍ପିଟାଲରୁ ଡିସଚାର୍ଜ ହେବେ ବୋଲି ସୂଚନା ମିଳିଛି।
ତାଙ୍କ ଧର୍ମପତ୍ନୀ ତୃପ୍ତି ବାବୁସାନଙ୍କୁ ହସ୍ପିଟାଲରୁ ଘରକୁ ନେବେ ବୋଲି କୁହାଯାଇଛି। ଏହି ଘଟଣା ପରେ ବାବୁସାନ୍ ଓ ତୃପ୍ତି ଏକାଠି ହେବେ ବୋଲି ଚର୍ଚ୍ଚା ହେଉଛି। ଏଣେ ବାବୁସାନଙ୍କ ସମସ୍ତ ଚିକିତ୍ସା ବ୍ୟବସ୍ଥା ତାଙ୍କ ପତ୍ନୀ ତୃପ୍ତି ଶତପଥୀ ହିଁ କରିଛନ୍ତି ଏବଂ ଉଭୟଙ୍କ ସଂପର୍କ ଖୁବ୍ ଭଲ ଅଛି ବୋଲି ଅଭିନେତା ରବି ମିଶ୍ର କହିଛନ୍ତି।
ସୂଚନାଯୋଗ୍ୟ, ବାବୁସାନ୍ ମହାନ୍ତି ଅସୁସ୍ଥ ହୋଇ ସମ୍ ହସ୍ପିଟାଲରେ ଚିକିତ୍ସିତ ହେଉଥିବା ଜଣାଯାଇଛି।