ଓଡ଼ିଶା ଫାଷ୍ଟ(ବ୍ୟୁରୋ): ସ୍ବର୍ଗତ ଅରିନ୍ଦମ କେବଳ ସାମ୍ବାଦିକ ମାନଙ୍କ ମଧ୍ୟରେ ନୁହେଁ ବରଂ ଓଡିଶାର ଜନ ସଧାରଣଙ୍କ ପାଇଁ ଏକ ଅତି ପରିଚିତ ନାମ କହିଲେ ଅତ୍ୟୁକ୍ତି ହେବନାହିଁ। ତାଙ୍କର ନିର୍ଭୀକ ଭାବେ ଖବର ପ୍ରସାରଣ ଶୈଳୀ, ତଥ୍ୟ ସଂଗ୍ରହର ଉତ୍ସୁକତା ଯୁବ ସାମ୍ବାଦିକଙ୍କୁ ବେଶ ପ୍ରଭାବିତ କରିବା ସହ ପ୍ରେରଣା ମଧ୍ୟ ଯୋଗାଏ । ତେଣୁ ତାଙ୍କ ସ୍ମୃତିରକ୍ଷା ଲାଗି ଅରିନ୍ଦମଙ୍କ ନାମରେ ଯୁବ ସାମ୍ବାଦିକଙ୍କ ପାଇଁ ସ୍ବତନ୍ତ୍ର ସମ୍ମାନ ପ୍ରଦାନ କରିବାକୁ ସୋମବାର ତାଙ୍କ ଦଶାହ ଅବସରରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ମତ ପ୍ରକାଶ ପାଇଛି ।
ଭୁବନେଶ୍ବର ସାମ୍ବାଦିକ ସଂଘ ପକ୍ଷରୁ ସଭାପତି ପ୍ରତାପ ଚନ୍ଦ୍ର ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ଉତ୍କଳ ସାମ୍ବାଦିକ ସଂଘ ରାଜ୍ୟ ସଭାପତି ବିଭୂତି ଭୂଷଣ କର, ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ, ମାଧବାନନ୍ଦ ବେହୁରା, ଅତିରିକ୍ତ ପୁଲିସ ଆୟୁକ୍ତ ଦୀପକ ମିଶ୍ର, ଜଗନ୍ନାଥ ପ୍ରଧାନ, ଅମରେଶ ଜେନା ପ୍ରମୁଖ ଯୋଗଦେଇ ଅରିନ୍ଦମଙ୍କ ସାମ୍ବାଦିକତା ଶୈଳୀ ଓ ଅନନ୍ୟ ପ୍ରତିଭା ସମ୍ପର୍କରେ ଆଲୋଚନା କରିଥିଲେ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପ୍ରଦୀପ ବୈଶାଖ, ନିରଞ୍ଜନ ରେଡ୍ଡୀ, ଦୀପକ କୁମାର ମହାପାତ୍ର, ଚିଦାନନ୍ଦ ଜେନା, ଦୀପକ ବିଶ୍ବାଳ, ମନୋରଞ୍ଜନ ମିଶ୍ର, ଦିଲୁ ରାଉତ, ଜିତେନ୍ଦ୍ର ମହାନ୍ତି, ଯତୀନ ସେଣ୍ଡ, ସଞ୍ଜୟ ଜେନା, ଟୁଲୁ ପାତ୍ର, ମନୋଜ ପ୍ରଧାନ, ଲିଙ୍ଗରାଜ ସାହୁ, ରଶ୍ମିରଞ୍ଜନ ସ୍ବାଇଁ, ଅର୍ଜୁନ ସାହୁ, ପ୍ରକାଶ ସାହୁ ପ୍ରମୁଖ ଯୋଗ ଦେଇଥିଲେ।
ସେହିପରି ଫଟୋ ସାମ୍ବାଦିକଙ୍କ ପକ୍ଷରୁ ଜୟଦେବ ଭବନ ନିକଟ ଡଟ କମରେ ମଧ୍ୟ ଅରିନ୍ଦମଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ଏଠାରେ ବହୁ ବରିଷ୍ଠ ସାମ୍ବାଦିକଙ୍କ ସମେତ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଅରିନ୍ଦମଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏହି ଅବସରରେ ପ୍ରସାଦ ସେବନ କରାଯାଇଥିଲା। କାର୍ଯ୍ୟକ୍ରମକୁ ଡଟକମର ସଦସ୍ୟ ଧ୍ରୁବ ମିଶ୍ର, ଅସିତ ଶତପଥୀ, ପିୟୁଷ ମହାନ୍ତି, ବିଶ୍ବନାଥ ସ୍ବାଇଁ, ସନ୍ତୋଷ ପଣ୍ଡା, ଦୀପକ ମହାପାତ୍ର, ଚଣ୍ଡିପ୍ରସାଦ ରଣସିଂହ, ଜିତେନ୍ଦ୍ର ମହାନ୍ତି, ଭବାନୀ ପ୍ରସାଦ ଦାସ, ମୌସମ ନନ୍ଦ, ସ୍ବଦେଶ ମହାନ୍ତି, ତନ୍ମୟ ଦାସ, ବିଶ୍ବ ରାଉତ, ମୂରଲୀଧର ବେହେରା, ବସନ୍ତ କୁମାର ପରିଡା ପ୍ରମୁଖ ପରିଚାଳନା କରିଥିଲେ।