ଓଡ଼ିଶା ଫାଷ୍ଟ(ବ୍ୟୁରୋ): ସବୁ କଳ୍ପନା ଜଳ୍ପନାର ଅନ୍ତ ଘଟିଛି । ବିଜେଡି ରୁ ବିତାଡିତ ପୂର୍ବତନ ମନ୍ତ୍ରୀ ତଥା ବରିଷ୍ଠ ନେତା ଦାମୋଦର ରାଉତ ନୂତନ ଦଳ ଗଢିବାକୁ ଯାଉଛନ୍ତି । ଯାହାକି କିଛି ଦିନ ପୂର୍ବରୁ ଶୁଣିବାକୁ ମିଳିଥିଲା । ତାଙ୍କୁ ଏଥିରେ ସହଯୋଗ କରିଛନ୍ତି ସମତାକ୍ରାନ୍ତି ର ମୂଖ୍ୟ ବ୍ରଜ ତ୍ରିପାଠୀ । ଅନେକ ଛୋଟ ଛୋଟ ଦଳ ଅପେକ୍ଷା ବିଜେଡି, ବିଜେପି ଓ କଂଗ୍ରେସ ର ବିକଳ୍ପ ହୋଇ ଗୋଟିଏ ମଞ୍ଚରେ ଏକାଠି ହେବା ପ୍ରାୟତଃ ଚୂଡାନ୍ତ ହୋଇଛି । ଆସନ୍ତା କାଲି ଅପରାହ୍ନରେ ଏ ନେଇ କଳ୍ପନା ଛକ ସ୍ଥିତ କଳିଙ୍ଗ ଅଶୋକ ହୋଟେଲ ରେ ଆୟୋଜିତ ହେବାକୁ ଥିବା ସାମ୍ବାଦିକ ସମ୍ମିଳନୀରେ ଏହା ଘୋଷଣା କରିବେ ଦାମ । ବିଜୁ କ୍ରାନ୍ତି ଦଳ ନାଁ ରେ ଏହି ନୂତନ ଦଳ ଗଠନ ହେବ । ଦାମଙ୍କ ଏହି ନୂତନ ଦଳରେ କେଉଁ କେଉଁ ଛୋଟ ଦଳ ସାମିଲ ହେବେ ଓ କିଏ କିଏ ଦାମ ଙ୍କ ଦଳରେ ଯୋଗଦେବେ ତାହା ଦେଖିବାକୁ ବାକି ରହିଲା ।
