ଓଡ଼ିଶା ଫାଷ୍ଟ(ବ୍ୟୁରୋ): ଟାଇମ୍ସ ବିଜନେସ ଆଓ୍ବାର୍ଡର ତୃତୀୟ ସଂସ୍କରଣରେ ୪୩ଟି କ୍ୟାଟଗୋରୀରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତିବିଶେଷ ଓ ଅନୁଷ୍ଠାନକୁ ପୁରସ୍କାର ବିତରଣ କରାଯାଇଛି । ଖୁବ କମ ଦିନ ମଧ୍ୟରେ ଗଣମାଧ୍ୟମ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସକାଳର ସିଇଓ ସୁବ୍ରତ ଦାସ ଓ ନନ୍ଦିଘୋଷ ଟିଭି ମୁଖ୍ୟ ସମ୍ପାଦକ ଶିଶିର କୁମାର ଭଟ୍ଟମିଶ୍ର ବଲିଉଡ ଅଭିନେତା ସୋନୁ ସୁଦଙ୍କ ଠାରୁ ପୁରସ୍କାର ଗ୍ରହଣ କରିଥିଲେ ।
ସେହିପରି ଆଲୁନିୟମ କ୍ଷେତ୍ରରେ ନାଲକୋ, ବେଦାନ୍ତ ଏବଂ ଶିକ୍ଷା କ୍ଷେତ୍ରରେ ସୋଆ, ଡିଏଭି ପବ୍ଲିକ ସ୍କୁଲକୁ ପୁରସ୍କୃତ କରାଯାଇଥିଲା । ପୁରସ୍କାର ବିତରଣ କାର୍ଯ୍ୟକ୍ରମ ଶେଷରେ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।