ଓଡ଼ିଶା ଫାଷ୍ଟ(ବ୍ୟୁରୋ): ସଂକ୍ରମଣ ନେଇ ପ୍ରତିକ୍ରିୟା ରଖିଲେ ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର । ସେ କହିଛନ୍ତି ତ୍ରିପୁରା, ମହାରାଷ୍ଟ୍ରରେ ଗତ ୨ ଦିନ ତଳେ ଦେଖା ଦେଇଥିବା ମାତ୍ରାଧିକ ସଂକ୍ରମଣ ଡେଲଟା ପ୍ଲସ୍ ନୁହେଁ । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ଏ ନେଇ ସ୍ପଷ୍ଟ କରିଛନ୍ତି । ୯୦ ପ୍ରତିଶତ ରୋଗୀ ଡେଲଟା ଭାରିଏଣ୍ଟରେ ଆକ୍ରାନ୍ତ । କେରଳରେ ଦେଶର ସବୁଠାରୁ ଅଧିକ ଟେଷ୍ଟିଂ ହେଉଛି ତେଣୁ ରୋଗୀ ଅଧିକ ବାହାରୁଛନ୍ତି ।
ଆମ ଦେଶକୁ ଏଯାଏଁ ଲାମ୍ବଡା ଭାରିଏଣ୍ଟ ଆସିନି । କିନ୍ତୁ ଆମ ଦେଶରେ ଯେମିତି ଏହା ପ୍ରବେଶ ନ କରେ ସେଥିପାଇଁ ଯଥେଷ୍ଟ ବ୍ୟବସ୍ଥା କରିବା ଦରକାର । ଦେଶରେ ଏବେ ଯେଉଁ ଟିକା ମିଳୁଛି ତାହା ସମସ୍ତେ ନେବା ଦରକାର । କାରଣ ଆମେ ଏଯାଏଁ ଦ୍ବିତୀୟ ଲହରରେ ସୀମିତ ଅଛୁ । ତୃତୀୟ ଲହର ପୂର୍ବରୁ ଟିକା ନେଇଗଲେ, ଏହାର ସଂକ୍ରମଣ ହାର ଯଥେଷ୍ଟ କମିଯିବ । ଆଗକୁ ବୁଷ୍ଟର ଡୋଜ୍ କଥା ଚିନ୍ତା କରିବା କଥା ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି ।