ଭୁବନେଶ୍ୱର : ସ୍ତ୍ରୀର ଏତଲା ଆଧାରରେ ହୋଟେଲରେ ଯୁବତୀଙ୍କ ସହ ମଉଜମସ୍ତି କରୁଥିବା ସ୍ୱାମୀକୁ ଇନଫୋସିଟି ପୁଲିସ ଗିରଫ କରିଛି । ଏଥିସହିତ ତାଙ୍କର ଦୁଇ ସାଙ୍ଗଙ୍କୁ ମଧ୍ୟ ପୁଲିସ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ କଟକ ଲାଲବାଗରେ ରହୁଥିବା ଅଭିନବ ସିଂ (୩୨), ବଜ୍ରକବାଟୀର ସିଲୁ ନାୟକ, ମଙ୍ଗଳାବାଗର ରାକେଶ ବେହେରା, ପାରାଦ୍ୱୀପର ଅନିନ୍ଦିତା ନାୟକ, ପଶ୍ଚିମବଙ୍ଗର ତନୁଶ୍ରୀ ଦାସ ଓ ରୂପା ପାନ । ଏମାନଙ୍କ ବିରୋଧରେ ପୁଲିସ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ।
ପୁଲିସ ସୂଚନା ଅନୁସାରେ, କଟକ ଲାଗବାଗରେ ରହୁଥିବା ଉତ୍କଳ ଦୀପିକା ରାଉତ ଓ ଅବିନାଶ ସିଂ ଦୁହେଁ ହିନ୍ଦୁ ରୀତିନୀତିରେ ବିବାହ କରିଥିଲେ । ୨୦୨୨ ନଭେମ୍ବର ୩୦ରେ ଦୁହେଁ ବିବାହ କରିଥିଲେ । ବିବାହର କିଛିଦିନ ଠିକଠାକ ଚାଲିବା ପରେ ପରିବାରରେ ଅଶାନ୍ତି ସୃଷ୍ଟି ହୋଇଥିଲା । ପରେ ତାଙ୍କ ସ୍ୱାମୀ ତାଙ୍କୁ ମାନସିକ ଏବଂ ଶାରୀରିକ ନିର୍ଯାତନା ଦେବା ଆରମ୍ଭ କରିଥିଲେ । ମଦ୍ୟପାନରେ ତାଙ୍କ ସ୍ୱାମୀ ମଧ୍ୟ ତାଙ୍କୁ ଅନେକ ଥରମାରପିଟ୍ କରିଥିଲେ । ସେ ତାଙ୍କ ଶ୍ୱଶୁର ଏବଂ ଶାଶୁଙ୍କୁ ଏହି ବିଷୟରେ ଜଣାଇଥିଲେ ।
କିନ୍ତୁ ତାଙ୍କ ସ୍ୱାମୀ ତାଙ୍କୁ ଶାଶୁଘର ସାମ୍ନାରେ ମଧ୍ୟ ନିର୍ଯାତନା ଦେଇଥିଲେ । ଯେତେବେଳେ ସେ ତାଙ୍କ ଅଳଙ୍କାର ଫେରାଇବାକୁ କହିଥିଲେ, ତାଙ୍କ ଶାଶୁ ଫେରି ନଥିଲେ । ଅଭିନାବ ତାଙ୍କୁ ଛାଡପତ୍ର ଦେବା ଏବଂ ଅନ୍ୟ ଝିଅକୁ ବିବାହ କରିବାକୁ ଧମକ ଦେଇଥିଲେ । ୧୪.୦୮.୨୦୨୪ ରେ ସଂପୂର୍ଣ୍ଣ ସୂଚନା ପାଇଲେ ଯେ ତାଙ୍କ ସ୍ୱାମୀ ରାକେଶ, ସିଲୁ ଏବଂ ଅନ୍ୟ ତିନି ଝିଅ ଭୁବନେଶ୍ୱର ପଟିଆ ଶିଶୁ ବିହାରରେ ଥିବା ‘ସେ ହ୍ୟାଲୋ’ ନାମକ ଏକ ହୋଟେଲରେ ଅଛନ୍ତି । ଯେତେବେଳେ ପୁଲିସ୍ କର୍ମଚାରୀଙ୍କ ସହ ଉକ୍ତ ହୋଟେଲରେ ପହଞ୍ଚିଥିଲେ, ସେତେବେଳେ ହଠାତ୍ ଅଭିନବ, ରାକେଶ, ସିଲୁ ଏବଂ ଅନ୍ୟ ତିନି ଝିଅ ତାଙ୍କୁ ଅଶ୍ଳୀଳ ଭାଷା ବ୍ୟବହାର କରି ଦୁର୍ବ୍ୟବହାର କଲେ ।
ଏପରିକି ଅସ୍ରାଭ୍ୟ ଭାଷାରେ ଗାଳିଗୁଲଜ କରିବା ସହିତ ହତ୍ୟା ଧମକ ଦେଇଥିଲେ । ଏପରକିି ତାଙ୍କ ବେକରେ ଛୁରି ଲଗାଇ ଦେଇଥିଲେ । ପୁଲିସ କର୍ମଚାରୀମାନେ ତାଙ୍କୁ ରକ୍ଷା କରିବାକୁ ଚେଷ୍ଟା କରୁଥିବାବେଳେ ସେମାନଙ୍କ ଦ୍ୱାରା ଦୁର୍ବ୍ୟବହାର କରାଯାଇଥିଲା । ତେବେ ଏନେଇ ଉତ୍କଳ ଦୀପିକା ଥାନାରେ ଏତଲା ଦେବା ପରେ ପୁଲିସ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।