ପୁରୀ : କୋଭିଡ୍ କଟକଣା କୋହଳ ହେବା ପରେ ଆଜିଠାରୁ ପ୍ରତ୍ୟେକ ଦିନ ଜଗା ଦର୍ଶନ କରିପାରିବେ ଭକ୍ତ | ପ୍ରତ୍ୟେକ ରବିବାର ଖୋଲାରହିବ ଶ୍ରୀମନ୍ଦିର । ଏଣିକି ଆଜିଠୁ ସପ୍ତାହର ସବୁ ଦିନ ଭଳି ପ୍ରତି ରବିବାର ବି ଭକ୍ତଙ୍କ ପାଇଁ ଖୋଲା ରହିବ ଶ୍ରୀମନ୍ଦିର। ଗତ ୧୨ ତାରିଖରେ ଜିଲ୍ଲାପାଳଙ୍କ ଅଧକ୍ଷତାରେ ବସିଥିବା ଛତିଶା ନିଯୋଗ ବୈଠକରେ ଏହି ନିଷ୍ପତ୍ତି ନିଆଯାଇଥିଲା।
କୋଭିଡ କଟକଣା ଯୋଗୁ ଶ୍ରୀମନ୍ଦିର ସାନିଟାଇଜ କରିବା ପାଇଁ ଗତ ଦୁଇ ବର୍ଷ ଧରି ରବିବାର ଦିନ ମହାପ୍ରଭୁଙ୍କ ଦର୍ଶନ ବନ୍ଦ ରହୁଥିଲା। ହେଲେ ଆଜି ରବିବାରରେ ମଧ୍ୟ ଖୋଲା ରହିଛି ଶ୍ରୀମନ୍ଦିର। ଏଣିକି ଶ୍ରୀମନ୍ଦିର ପାଇଁ କୋଭିଡ ଗାଇଡଲାଇନରେ କୋହଳନୀତି ଅବଲମ୍ବନ କରାଯାଇଛି।
