ନୂଆଦିଲ୍ଲୀ (ଓଡ଼ିଶା ଫାଷ୍ଟ ବ୍ୟୁରୋ): ଆଜି ଆସିବ ଲୋକସଭା ଓ ବିଧାନସଭା ଉପନିର୍ବାଚନର ଫଳାଫଳ । ଦେଶର ୬ ରାଜ୍ୟରେ ହୋଇଥିବା ଉପନିର୍ବାଚନର ଫଳାଫଳ ଆଜି ଆସିବ। ଜୁନ୍ ୨୩ ତାରିଖରେ ତିନି ଲୋକସଭା ଆସନ ଓ ୭ ବିଧାନସଭା ଆସନରେ ଉପନିର୍ବାଚନ ହୋଇଥିଲା ।
କଡ଼ା ସୁରକ୍ଷା ବ୍ୟବସ୍ଥା ଭିତରେ ଭୋଟ୍ ଗଣତି ସକାଳ ୮ଟାରୁ ଆରମ୍ଭ ହୋଇଛି । ଉତରପ୍ରଦେଶର ରାମପୁର ଓ ଆଜମଗଡ଼ ଏବଂ ପଂଜାବର ସଙ୍ଗରୁର ଲୋକସଭା ଆସନରେ ଉପନିର୍ବାଚନ ପାଇଁ ମତଦାନ ହୋଇଥିଲା । ସେହିପରି ଚାରି ରାଜ୍ୟର ୭ଟି ବିଧାନସଭାରେ ମଧ୍ୟ ଉପନିର୍ବାଚନ ହୋଇଥିଲା । ତ୍ରିପୁରାର ଅଗରତାଲା, ସରମା, ଜୁବାରାଜଗର ଓ ବରୋଦାବାଲା ଟାଉନ୍ ବିଧାନସଭା ଆସନରେ ଲୋକେ ମତ ସାବ୍ୟସ୍ତ କରିଥିଲେ । ଏହାସହ ଝାଡ଼ଖଣ୍ଡର ମାଣ୍ଡର, ଆନ୍ଧ୍ର ପ୍ରଦେଶର ଆତ୍ମକୁର ଓ ଦିଲ୍ଲୀର ରାଜେନ୍ଦ୍ର ନଗର ବିଧାନସଭା ଆସନରେ ପ୍ରାର୍ଥୀଙ୍କ ଭାଗ୍ୟର ଫଳାଫଳ ଇଭିଏମରେ କଏଦ ଅଛି ।