ଭୁବନେଶ୍ୱରରୁ ଜୟପୁରକୁ ଆସନ୍ତା ୩୧ ତାରିଖରୁ ଉଡିବ ବିମାନ । ଏ ନେଇ ବିମାନ ଘରୋଇ ସଂସ୍ଥା ଇଣ୍ଡିଆ ୱାନ ଏୟାର ଟୁଇଟ୍ କରି ସୂଚନା ଦେଇଛି । ଅକ୍ଟୋବର ୩୧ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଭୁବନେଶ୍ୱର ବିମାନ ବନ୍ଦରରୁ ଶୁଭାରମ୍ଭ କରିବେ । ଏହି ୯ ସିଟ୍ ବିଶିଷ୍ଟ ବିମାନରେ ଭୁବନେଶ୍ୱରରୁ ଜୟପୁର ଯିବାକୁ ଯାତ୍ରୀଙ୍କ ପାଇଁ ଟିକଟ ୯୯୯ ଟଙ୍କା ସହ ଅନ୍ୟାନ୍ୟ ଟ୍ୟାକ୍ସ ମିଶାଇ ମୋଟ ୧୦୪୯ ଟଙ୍କା ଧାର୍ଯ୍ୟ କରାଯାଇଛି।
ଲଗେଜରେ ହ୍ୟାଣ୍ଡ ବ୍ୟାଗରେ ୭ ରୁ ୧୫ କିଲୋ ମଧ୍ୟରେ ଜିନିଷ ନେଇପାରିବେ ବୋଲି ଇଣ୍ଡିଆନ ୱାନ ଏୟାର ସଂସ୍ଥା ପକ୍ଷରୁ ଟୁଇଟ ମାଧ୍ୟମରେ ସୂଚନା ଦିଆଯାଇଛି ।