ସମ୍ବଲପୁର(ଓଡ଼ିଶା ଫାଷ୍ଟ ବ୍ୟୁରୋ): ସମ୍ବଲପୁର ବନଖଣ୍ଡର ପଡିଆବାହାଲ ରେଞ୍ଜର ସାପଲହରା ନିକଟରେ ଥିବା ଏକ ପୋଖରୀ ପଙ୍କ ମଧ୍ୟରେ ଫସିଛି ଦନ୍ତାହାତୀ । ପାଣି ପିଇବା ପାଇଁ ଆସି ପୋଖରୀରେ ଥିବା ପଙ୍କରେ ଫସି ଯାଇଛି ଅସୁସ୍ଥ ହାତୀ ।
ଦନ୍ତାହାତୀର ଆଗ ପଟର ଗୋଟିଏ ଗୋଡଟି ଠିକ ନଥିବାରୁ ପୋଖରୀରେ ପଙ୍କରେ ଫସିଥିବାରୁ ସେ ବାହାରି ପାରୁନାହିଁ । ଘଟଣାସ୍ଥଳରେ ବନବିଭାଗର ଟିମ ପହଞ୍ଚି ଦନ୍ତାହାତୀକୁ ପଙ୍କ ମଧ୍ୟରୁ ଉଦ୍ଧାର କରିବା କାଯ୍ୟ ଆରମ୍ଭ କରିଛି । ଉକ୍ତ ଅଞ୍ଚଳର ଗ୍ରାମବାସୀଙ୍କ କହିବା କଥା ହେଲା ଗତକାଲି ରାତିରେ ପାଣି ପଇବାକୁ ଆସି ଏହି ଦନ୍ତା ହାତୀଟି ଫସି ରହିଛି। ଏପଟେ DFOଙ୍କ ସୂଚନା ଅନୁଯାୟୀ, ଖୁବ ଶିଘ୍ର ଡାକ୍ତରୀ ଟିମ ଘଟଣାସ୍ଥଳକୁ ପଠାଇବାର ବ୍ୟବସ୍ଥା କରାଯାଉଛି।