ଇସଲାମାବାଦ୍: ପାକିସ୍ତାନରେ ଇମ୍ରାନ ସରକାରର ପତନ । ପ୍ରଧାନମନ୍ତ୍ରୀ ପଦରୁ ବହିଷ୍କୃତ ହେଲେ ଇମ୍ରାନ ଖାନ । ଅନାସ୍ଥା ପ୍ରସ୍ତାବରେ ବହିଷ୍କୃତ ହେବାରେ ଇମ୍ରାନ୍ ହେଉଛନ୍ତି ପାକିସ୍ତାନର ପ୍ରଥମ ପ୍ରଧାନମନ୍ତ୍ରୀ । ତେବେ ଏହାକୁ ନେଇ ପାକିସ୍ତାନ ଅଶାନ୍ତ ହୋଇପଡିଛି ।
ରାସ୍ତା ଉପରକୁ ଇମ୍ରାନଙ୍କ ସମର୍ଥକ ଓହ୍ଲାଇ ଆସିଥିବାରୁ ବିଭିନ୍ନ ସହହରେ ସେନା ମୁତୟନ କରାଯାଇଛି ।
କେବଳ ଏତିକି ନୁହଁ, ସମସ୍ତ ବିମାନଘାଟିରେ ମଧ୍ୟ ହାଇ ଆଲର୍ଟ କରାଯାଇଛି । ନେତା ଏବଂ ଅଧିକାରୀଙ୍କୁ ଦେଶ ଛାଡିବା ଉପରେ କଟକଣା ଜାରି କରାଯାଇଛି । ମତଦାନ ପୂର୍ବରୁ ଇମ୍ରାନଙ୍କ ଦଳର ସମସ୍ତ ସଭ୍ୟ କକ୍ଷତ୍ୟାଗ କରିଥିଲେ । ମତଦାନରେ ଇମରାନ୍ଙ୍କ ବିରୋଧରେ 174ଟି ଭୋଟ ପଡିଥିଲା । ଅନାସ୍ଥା ପ୍ରସ୍ତାବରେ ହାରିବା ପରେ ଇମ୍ରାନ ତୁରନ୍ତ ପ୍ରଧାନମନ୍ତ୍ରୀ ଆବାସ ଛାଡିଦେଇଛନ୍ତି ।