ନବମ ଆନ୍ତର୍ଜାତୀୟ ଯୋଗ ଦିବସ ଅବସରରେ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ । ଆମ ପରମ୍ପରାରେ ଯୋଗ ଲୋକପ୍ରିୟ । ଭାରତୀୟ ମୁନିଋଷିଙ୍କ ଦ୍ବାରା ପ୍ରତିଷ୍ଠିତ ଏହି ଜୀବନଶୈଳୀ ମଣିଷକୁ ସ୍ବୟଂସମ୍ପୂର୍ଣ୍ଣ କରିବା ସହ ଆବଶ୍ୟକ ଦକ୍ଷତା ବୃଦ୍ଧିରେ ମଧ୍ୟ ସହାୟକ ହୋଇଥାଏ ।
ଶରୀର, ମନ ଓ ଆତ୍ମାର ସନ୍ତୁଳନ ରକ୍ଷା କରି ଯୋଗ ସକାରାତ୍ମକ ଚିନ୍ତାଧାରାର ବିକାଶ କରିଥାଏ । ବସୁଧୈବ କୁଟୁମ୍ବକମ୍ ଭାବ ଧାରାରେ ବଞ୍ଚିବା ପାଇଁ ଯୋଗ ଏକ ମାଧ୍ୟମ । ସମସ୍ତେ ନିଜ ଜୀବନରେ ଯୋଗକୁ ଅପରିହାର୍ଯ୍ୟ ଅଙ୍ଗଭାବେ ଗ୍ରହଣ କରି ସୁସ୍ଥ ରହିବା ସହ ସୁସ୍ଥ ସମାଜ ଗଠନରେ ସହାୟକ ହେବାକୁ ଆହ୍ବାନ ଦେଇଛନ୍ତି ମୁଖ୍ୟମନ୍ତ୍ରୀ ।