ନୂଆଦିଲ୍ଲୀ(ଓଡ଼ିଶା ଫାଷ୍ଟ ବ୍ୟୁରୋ): କେନ୍ଦ୍ର ସରକାର ନୂଆ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ନିଯୁକ୍ତି ପୂର୍ବରୁ ଆର୍ମି ସର୍ଭିସ୍ ରୁଲ୍ସରେ ବଡ ପରିବର୍ତ୍ତନ କରିଛନ୍ତି । ପ୍ରତିରକ୍ଷା ମନ୍ତ୍ରାଳୟର ଗେଜେଟ ବିଜ୍ଞପ୍ତି ଅନୁଯାୟୀ, ଏଣିକି ସିଡିଏସ ପଦ ପାଇଁ ୬୨ ବର୍ଷରୁ କମ୍ ରୁ ବୟସର ଲେଫ୍ଟନାଣ୍ଟ ଜେନେରାଲ୍ ର୍ୟାଙ୍କ ଥ୍ରୀ ଷ୍ଟାର ଅଫିସରଙ୍କୁ ମଧ୍ୟ ଚୟନ କରାଯାଇ ପାରିବ ।
ଏପର୍ଯ୍ୟନ୍ତ ଜେନେରାଲ୍ ଅର୍ଥାତ୍ ଫୋର୍ ଷ୍ଟାର ସେନା ଅଧିକାରୀ ସିଟିଏସ ପଦ ପର୍ଯ୍ୟନ୍ତ ଉନ୍ନୀତ ହୋଇପାରୁଥିଲେ । ସ୍ଥଳସେନା, ବାୟୁସେନା ଓ ନୌସେନା ପାଇଁ ଜାରି ହୋଇଥିବା ଗେଜେଟ ବିଜ୍ଞପ୍ତରେ ସ୍ପଷ୍ଟ ଭାବେ କୁହାଯାଇଛି ଯେ, ଏଣିଲି ଜେନେରାଲ ଏବଂ ଲେଫ୍ଟନାଣ୍ଟ ଜେନେରାଲ ର୍ୟାଙ୍କର ଅଧିକାରୀ ସିଡିଏସ୍ ପଦ ପାଇଁ ଯୋଗ୍ୟ ବିବେଚିତ ହେବେ ।