ଗଞ୍ଜାମ (ଓଡ଼ିଶା ଫାଷ୍ଟ ବ୍ୟୁରୋ): କଳିଙ୍ଗାଘାଟିରେ ଟୁରିଷ୍ଟ ବସ ଓଲଟି ୬ ଜଣଙ୍କ ମୃତ ଘଟିଥିବାବେଳେ ୩୫ରୁ ଅଧିକ ଆହତ ହୋଇଛନ୍ତି । ସମସ୍ତ ଯାତ୍ରୀଙ୍କୁ ଉଦ୍ଧାର ପରେ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଛି। ୧୫ରୁ ଉର୍ଦ୍ଧ୍ୱ ଗୁରୁତରଙ୍କୁ MKCG କୁ ସ୍ଥାନାନ୍ତରିତ କରାଯାଇଛି।
ଭଞ୍ଜନଗର କଳିଙ୍ଗାଘାଟି ଦୁର୍ଗାପ୍ରସାଦ ପାଖରେ ଏହି ଯାତ୍ରୀବାହୀ ବସ୍ ଓଲଟିଛି। ସମସ୍ତ ମୃତାହତ ପଶ୍ଚିମବଙ୍ଗ ହାୱଡ଼ା ଜିଲ୍ଲା ଉଦନପୁର ଅଞ୍ଚଳର ବୋଲି ସୂଚନା। ଘାଟିରେ ବସର ବ୍ରେକ ପାଇପ ଫାଟିବାରୁ ଦୁର୍ଘଟଣା ଘଟିଥିବା ସୂଚନା। ଦାରିଙ୍ଗବାଡ଼ିରୁ ଫେରୁଥିବାବେଳେ ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି।