ରାତିରେ ଠିକରେ ନିଦ ଆସିବା ପାଇଁ ନେଉଛନ୍ତି କି ମେଡ଼ିସିନ, ତାହା ଶରୀର ପାଇଁ ହୋଇପାରେ ଏଭଳି ଘାତକ

ରାତିରେ ଯଦି ଆପଣଙ୍କୁ ଠିକରେ ନିଦ ନଲାଗୁଛି ବା କିଛି ଟେନସନରେ ଅଛନ୍ତି, ତେବେ ଆପଣ ଏଥିପାଇଁ ନିଦ ବଟିକାର ସାହାଯ୍ୟ ନେଉଛନ୍ତି କି ? ତେବେ ହୋଇ ଯାଆନ୍ତୁ ସତର୍କ, ଏହା ଆପଣଙ୍କ ଶରୀର ପାଇଁ ହୋଇପାରେ ମାରାତ୍ମକ । ଜାଣନ୍ତୁ କ’ଣ ହୋଇପାରେ ନିଦ ବଟିକା ଖାଇବାର ଦୁସ୍ପ୍ରଭାବ । ଆଜି ଆପଣଙ୍କୁ କହିବୁ ବିନା ନିଦ ବଟିକାରେ କିପରି ହେବ ଭଲ ନିଦ ।

ଯଦି ଆପଣଙ୍କୁ ନିଦ ବଟିକାର ନିଶା ହୋଇଯାଇଛି । ତେବେ ଏହା ଆପଣଙ୍କ ମସ୍ତିସ୍କ ଉପରେ ମଧ୍ୟ କୁପ୍ରଭାବ ପକାଇବ । ଏକ ଗବେଷଣାରୁ ଜଣାଯାଇଛି ଯେ ନିଦ ବଟିକା ଧିରେ ଧିରେ ଆପଣଙ୍କ ସ୍ମରଣ ଶକ୍ତିକୁ ମଧ୍ୟ ହ୍ରାସ କରିଦେବ । ଏହାର ନିୟମିତ ସେବନ ଦ୍ୱାରା ହୃଦ ରୋଗର ଆଶଙ୍କା ବଢ଼ିପାରେ । ଏହାଛଡ଼ା ପେଟ ଦରଜ, ମୁଣ୍ଡ ଘୁରାଇବା, ମେମୋରି ଲସ୍‌, କନ୍‌ଷ୍ଟିପେସନ ଭଳି ରୋଗ ହୋଇପାରେ । ତେଣୁ ଆପଣ ନିଦ ପାଇଁ ବଟିକା ନେବା ପରିବର୍ତ୍ତେ ଏହି ଟିପ୍ସ ଆପଣାଇବା ବହୁତ ଭଲ ହୋଇଥାଏ ।

ବିନା ନିଦ ବଟିକାରେ ଭଲ ନିଦର ଉପାୟ-

ଶୋଇବା ସମୟ ନିର୍ଦ୍ଧାରଣ କରନ୍ତୁ:

ଭଲ ନିଦ ପାଇଁ ଶୋଇବା ଓ ଉଠିବା ସମୟ ନିର୍ଦ୍ଧାରଣ କରନ୍ତୁ । ଆପଣଙ୍କ ରୁଟିନ ଯଦି ଠିକ ରହିବ ତେବେ ନିଦ ମଧ୍ୟ ଠିକ୍‌ ହେବ ।

ବିଳମ୍ବିତ ରାତି ଯାଏ ଟିଭି ଓ ମୋବାଇଲ ଦେଖନ୍ତୁ ନାହିଁ:

ନିଦ ନ ଆସିବାର ସବୁଠୁ ବଡ଼ ଭୂମିକା ହେଉଛି ବିଳମ୍ବିତ ରାତି ଯାଏ ଟିଭି ଓ ମୋବାଇଲ ଦେଖିବା । ତେଣୁ ଠିକ ସମୟରେ ଶୁଅନ୍ତୁ ।

ପାଦ ତଳ କରନ୍ତୁ ମାଲିସ:

ଶୋଇବା ପୂର୍ବରୁ ପାଦ ତଳିପାରେ ଭଲ ଭାବେ ତେଲ ମାଲିସ କରନ୍ତୁ । ଏହାଦ୍ୱାରା ଭଲ ନିଦ ଆସିବ ।

ଚା’ କଫି ସେବନ ନ କରିବା:

ନିଦର ଶତ୍ରୁ ହୋଇଥାଏ ଚା’ ଓ କଫି । ଏହାର ଅଧିକ ସେବନ କେବଳ ନିଦ ନୁହେଁ ଶରୀର ଉପରେ ମଧ୍ୟ ଖରାପ ପ୍ରଭାବ ପକାଇଥାଏ ।