ବୁଡିବ ବିଜେଡି ଭେଳା । ଭୁବନେଶ୍ୱର ଜିଲ୍ଲା ସଭାପତି ଆସନ ଲଗାଇବ ନିଆଁ । ବାଇଁଆ ଏବଂ ଲିଟୁ ପାଇଁ ବଳି ପଡିଲେ ଉତ୍ତର ବିଧାୟକ ସୁଶାନ୍ତ ରାଉତ । ବାଇଁଆ ଏବଂ ଲିଟୁ ଙ୍କୁ ସମର୍ଥନ କରିବା ବାପୁ ଙ୍କୁ ଭାରି ପଡିଲା । ଜିଲ୍ଲା ସଭାପତି ଆସନ ରେସ ରେ ସବୁଠାରୁ ଆଗରେ ପୂର୍ବତନ ମନ୍ତ୍ରୀ ଅଶୋକ ପଣ୍ଡା
ରାଜ୍ୟର ସମସ୍ତ ସ୍ଥାନରେ ବିଜେଡି ଅନ୍ତଃ କନ୍ଦଳ ମୁଣ୍ଡ ବିନ୍ଧା ର କାରଣ ସାଜିଥିବା ବେଳେ ଭୁବନେଶ୍ୱର ବା ସେଥିରୁ ବାଦ ପଡିବ କିପରି । ଏଠାରେ ମଧ୍ୟ ଆରମ୍ଭ ହେବାକୁ ଯାଉଅଛି ଗୋଷ୍ଟି ବିବାଦ । କାହିଁକି ନା ଭୁବନେଶ୍ୱର ଜିଲ୍ଲା ସଭାପତି ଦାୟିତ୍ୱ ଅଶୋକ ପଣ୍ଡା ଙ୍କୁ ଦିଆ ଯିବାକୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ସ୍ଥିର କରିଥିବା ସୂଚନା ମିଳିଛି । ଯାହା ବିଜେଡି କର୍ମୀଙ୍କୁ ହତାଶ କରିଛି । ଅଶୋକ ଙ୍କ ଆତ୍ମ ଗର୍ବ ଓ ଦୁର୍ବ୍ୟବହାର ର ଫଳ ଏଥର ବିଜେଡି କୁ ଭୋଗିବାକୁ ପଡିଛି । ଲଗାତାର ବିଜୟ ସ୍ୱାଦ ଚାଖି ଆସୁଥିବା ଅଶୋକ ଙ୍କୁ ଏଥର ପରାଜୟ ସ୍ୱୀକାର କରିବାକୁ ପଡିଛି ।
ଅପରପକ୍ଷରେ ବିଜେଡି ପାଖରେ ଉତ୍ତର ବିଧାୟକ ସୁଶାନ୍ତ ରାଉତଙ୍କ ପରି ଯୋଗ୍ୟ ଭୁବନେଶ୍ୱର ଜିଲ୍ଲା ପ୍ରାର୍ଥୀ ଥିବାବେଳେ କାହିଁକି ଓ କେଉଁ କାରଣରୁ ଅଶୋକ ଙ୍କ ପରି ବିବାଦୀୟ ନେତା କୁ ଏହି ଦାୟିତ୍ୱ ପ୍ରଦାନ ନେଇ କର୍ମୀ ପ୍ରଶ୍ନ କରିବା ଆରମ୍ଭ କଲେଣି । ଅନେକ କହିଲେଣି ବାଇଁଆ ଏବଂ ଲିଟୁ ଙ୍କୁ ସମର୍ଥନ ଦେବା ଭାରି ପଡ଼ିଲା ବାପୁଙ୍କୁ । ଅଶୋକ ପଣ୍ଡା, ବାଇଁଆ ଏବଂ ଲିଟୁ ଙ୍କ କଳି ରେ ବଳି ପଡ଼ିଗଲେ ବାପୁ । ବାପୁ ଜଣେ ଯୋଗ୍ୟ ଯୁବ ସଙ୍ଗଠକ । ତାଙ୍କୁ ଜିଲ୍ଲା ସଭାପତି ପଦ ପ୍ରଦାନ କରାନଯିବା ଅତ୍ୟନ୍ତ ଦୁର୍ଭାଗ୍ୟଜନକ । ସେହିପରି ଗାଲା, ଲିଟୁ, ବାଇଁଆ ପରି ଅନେକ ଆଗଧାଡ଼ି ର ବିଜେଡି ନେତା ଅଶୋକ ଙ୍କୁ ବିରୋଧ କରିବା ଆରମ୍ଭ କଲେଣି । ଯାହା ଆଗକୁ ବିଜେଡି ସଂଗଠନ କୁ ଦୁର୍ବଳ କରିବା ସହ ଭାଗ ଭାଗ କରିବାର ସମ୍ଭାବନା କୁ ଏଡାଇ ଦିଆଯାଇ ନପାରେ । ତେଣୁ ବେଳହୁଁ ସାବଧାନ ହୋଇ ଅଶୋକ ମୋହ ତୁଟାଇ ଯୋଗ୍ୟ ବ୍ୟକ୍ତି କୁ ଭୁବନେଶ୍ୱର ଜିଲ୍ଲା ସଭାପତି ଦାୟିତ୍ୱ ପ୍ରଦାନ କରାଗଲେ ଆଗକୁ ବିଜେଡି ସଂଗଠନ ସୁଦୃଢ଼ ରହିବ ବୋଲି ରାଜନୈତିକ ବିଶେଷଜ୍ଞ ମତ ପ୍ରକାଶ କରିଛନ୍ତି ।