ହିମାଚଳ ପ୍ରଦେଶରେ ଏକ ବଡ ଘୋଷଣା କରିଛି କଂଗ୍ରେସ । ମୁଖ୍ୟମନ୍ତ୍ରୀ ପଦରେ ସୁଖବିନ୍ଦର ସିଂ ସୁଖୁଙ୍କୁ ଚୟନ କରାଯାଇଛି । ହିମାଚଳ ପ୍ରଦେଶର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ନେବେ ସୁଖବିନ୍ଦର । ଆସନ୍ତାକାଲି ଦିନ ୧୧ଟାରେ ସୁଖବିନ୍ଦର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ।
ତେବେ ତାଙ୍କ ସହିତ ଉପମୁଖ୍ୟମନ୍ତ୍ରୀ ପଦ ପାଇଛନ୍ତି ମୁକେଶ ଅଗ୍ନିହୋତ୍ରୀ । ଏ ନେଇ ଭୂପେଶ ବଘେଲ ଆନୁଷ୍ଠାନିକ ଭାବରେ ଘୋଷଣା କରିଛନ୍ତି ।
କଂଗ୍ରେସ ବିଧାୟକ ଦଳରେ ସୁଖବିନ୍ଦର ସିଂ ସୁଖୁଙ୍କ ନାଁରେ ମୋହର ମରାଯାଇଛି । ବୈଠକରେ ସୁଖବିନ୍ଦରଙ୍କୁ ମୁଖ୍ୟମନ୍ତ୍ରୀ ପଦ ଦେବା ପାଇଁ ନିଷ୍ପତ୍ତି ନିଆଯାଇଛି । ଏହାସହିତ ମୁକେଶ ଅଗ୍ନିହୋତ୍ରୀଙ୍କୁ ଉପମୁଖ୍ୟମନ୍ତ୍ରୀ ପଦ ଦିଆଯିବ । ଆସନ୍ତାକାଲି ନୂତନ ମୁଖ୍ୟମନ୍ତ୍ରୀ ଭାବରେ ଶପଥପାଠ କରିବେ ସୁଖବିନ୍ଦର ଏବଂ ମୁକେଶ ଉପ ମୁଖ୍ୟମନ୍ତ୍ରୀ ଭାବେ ଶପଥ ନେବେ । ଏ ନେଇ ଭୂପେଶ ବଘେଲ ଘୋଷଣା କରିଛନ୍ତି ।