ଓଡ଼ିଶା ଫାଷ୍ଟ(ବ୍ୟୁରୋ): ଶ୍ରୀମନ୍ଦିରରେ ସାଧାରଣ ଭକ୍ତଙ୍କ ପାଇଁ କୋହଳ ହୋଇପାରେ ଏସଓପି । ଏ ନେଇ ଆଜି ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ବସିବାକୁ ଯାଉଛି ଗୁରୁତ୍ୱପୂର୍ଣ୍ଣ ବୈଠକ । ରାଜ୍ୟରେ ଶନିବାର ଓ ରବିବାର ସଟଡାଉନ ହଟିଥିଲେ ମଧ୍ୟ ଶ୍ରୀମନ୍ଦିରରେ ଶନିବାର ଓ ରବିବାର ସାଧାରଣ ଦର୍ଶନ ବନ୍ଦ ରହିଛି । ଏଣୁ ବୈଠକରେ ଶନିବାର ଓ ରବିବାର ମନ୍ଦିର ଖୋଲିବା ନେଇ ନିଷ୍ପତ୍ତି ନିଆଯାଇପରେ ।
ସେହିଭଳି ମନ୍ଦିର ମଧ୍ୟରେ ମହାପ୍ରସାଦ ସେବନ ଉପରେ ବିଚାରବିମର୍ଶ କରାଯିବା ସହ ବିଭିନ୍ନ କଟକଣା କୋହଳ କରାଯିବାର ସମ୍ଭାବନା ରହିଛି । ବୈଠକରେ ପୁରୀ ଜିଲ୍ଲାପାଳ, ଏସପି, ସିଡିଏମଓଙ୍କ ସହ ପାଞ୍ଚ ଜଣ ପରିଚାଳନା କମିଟି ସଦସ୍ୟ ଯୋଗଦେବେ । ଆଜି ଅପରାହ୍ଣ ୧୨ଟାରେ ନିଳାଦ୍ରୀ ଭକ୍ତ ନିବାସରେ ବସିବ ଏହି ବୈଠକ ।