ଓଡ଼ିଶା ଫାଷ୍ଟ(ବ୍ୟୁରୋ): କରୋନା ପୁନର୍ବାର ନିଜ କାୟା ବିସ୍ତାର କରିଚାଲିଛି । କରୋନା ଉଭୟ ଡୋଜ ନେବା ପରେ ମଧ୍ୟ ସଂକ୍ରମଣ ହାର ବଢ଼ି ଚାଲିଛି । ଏହି ସମୟରେ ସମାଜସେବୀ ହିମାଂଶୁ ଭୂଷଣ କର କରୋନା ଆକ୍ରାନ୍ତ ଖବର ସାମ୍ନା କୁ ଆସିଛି । ହିମାଂଶୁ କରୋନା ଆକ୍ରାନ୍ତ ହୋଇଥିବା ଖବର ପ୍ରଚାର ହେବା ପରେ କେନ୍ଦ୍ରାପଡ଼ା ବାସୀ ଅତ୍ୟନ୍ତ ଦୁଃଖ ପ୍ରକାଶ କରିବା ସହ ଶ୍ରୀ ଶ୍ରୀ ତାଙ୍କ ସ୍ବାସ୍ଥ୍ୟରେ ଉନ୍ନତି ପାଇଁ ବଳଦେବଜୀଉ ଙ୍କ ନିକଟରେ ପ୍ରାର୍ଥନା କରିଛନ୍ତି ।
କେନ୍ଦ୍ରାପଡ଼ାରେ ଜନ୍ମିତ ହିମାଂଶୁ ଭୂଷଣ କର ସାମ୍ବାଦିକଙ୍କ ଏକ ଦରଦୀ ବନ୍ଧୁ ଭାବରେ ପରିଚିତ । ସାମ୍ବାଦିକ ଙ୍କ ସୁଖ ଦୁଃଖ ରେ ସେ ସର୍ବଦା କାନ୍ଧରେ କାନ୍ଧ ମିଶାଇ ଛିଡା ହୁଅନ୍ତି । ଏହା ବ୍ୟତୀତ କେନ୍ଦ୍ରାପଡ଼ାରେ ଅନେକ ସମାଜସେବୀ କାର୍ଯ୍ୟକ୍ରମ ରେ ହିମାଂଶୁ କର ଜଡ଼ିତ । ସେ କେନ୍ଦ୍ରାପଡ଼ା ବାସୀଙ୍କ ଅନେକ ସମସ୍ୟା ସରକାରଙ୍କ ଲୋକ ଲୋଚନକୁ ଆଣିବା ସହ ଏହାର ସମାଧାନ ପାଇଁ ଅନେକ ଚେଷ୍ଟା କରିଛନ୍ତି । ହିମାଂଶୁ କର ହାପି କର ଭାବରେ ନେତା, ମନ୍ତ୍ରୀ ଠାରୁ ଅଫିସର ମାନଙ୍କ ନିକଟରେ ଖୁବ ପରିଚିତ । ତାଙ୍କ ମେଳାପୀ ଏବଂ ପରୋପକାର ସ୍ଵଭାଵ ତାଙ୍କୁ ସମସ୍ତଙ୍କ ପ୍ରିୟ ପାତ୍ର କରିଛି । ହିମାଂଶୁ କର ସମାଜସେବା ସହ ରାଜନୀତିରେ ମଧ୍ୟ ସକ୍ରିୟ ଭାବେ ଜଡ଼ିତ ଅଛନ୍ତି ।
