ସିଦ୍ଧୁ ମୁସେଓ୍ବାଲା ହତ୍ୟାକାଣ୍ଡରେ ସାମିଲ ଥିବା ଅଭିଯୁକ୍ତଙ୍କୁ ପୋଲିସର ଏନକାଉଣ୍ଟର

ପଞ୍ଜାବରେ ପୋଲିସ ଓ ଗ୍ୟାଙ୍ଗଷ୍ଟାରଙ୍କ ମଧ୍ୟରେ ଏନକାଉଣ୍ଟର ଆରମ୍ଭ ହୋଇଛି । ଅମୃତସରର ଅଟ୍ଟାରୀ ଗ୍ରାମରେ ଜାରି ରହିଥିବା ଏହି ଏନକାଉଣ୍ଟରରେ ପଞ୍ଜାବର ଲୋକପ୍ରିୟ ଗାୟକ ତଥା କଂଗ୍ରେସ ନେତା ସିଦ୍ଧୁ ମୁସେଓ୍ବାଲା ହତ୍ୟାକାଣ୍ଡରେ ସମ୍ପୃକ୍ତ ଥିବା ଜଣେ ସାର୍ପସୁଟରକୁ ସଫା କରିବାରେ ସଫଳ ହୋଇଛି ପୋଲିସ ଟିମ । ଉକ୍ତ ଗ୍ୟାଙ୍ଗର ଅନ୍ୟ କିଛି ସାର୍ପସୁଟର ସେହି ଅଞ୍ଚଳରେ ଲୁଚି ରହିଥବା ସନ୍ଦେହରେ ଏନକାଉଣ୍ଟର ଜାରି ରହିଛି ।
ତେବେ ଏଥିରେ ଗ୍ୟାଙ୍ଗଷ୍ଟାରମାନଙ୍କ ପାଖରେ ଅତ୍ୟାଧୁନିକ ହତିଆର ମଧ୍ୟ ରହିଛି । ଏଥିରେ କିଛି ପୋଲିସ କର୍ମୀ ଓ ଜଣେ ସାମ୍ବାଦିକ ମଧ୍ୟ ଆହତ ହୋଇଥିବା ସୂଚନା ମିଳିଛି । ଏବେ ମଧ୍ୟ ଗୁଳି ବିନିମୟ ଜାରି ରହିଛି । ସିଦ୍ଧୁ ମୋସେଓ୍ବାଲା ମର୍ଡରରେ ସିଧାସଳଖ ସମ୍ପୃକ୍ତ ଥିବା ଗ୍ୟାଙ୍ଗଷ୍ଟାର ଉକ୍ତ ଅଞ୍ଚଳରେ ଲୁଚିଥିବା ନେଇ ସୂଚନା ମିଳିବା ପରେ ପୋଲିସ ଏନକାଉଣ୍ଟର ଆରମ୍ଭ କରିଥିଲା । ପୁରା ଗ୍ରାମକୁ ଘେରାବନ୍ଦୀରେ ରଖି ପଞ୍ଜାବ ପୋଲିସର ଏକାଧିକ ଟିମ ଏହି ଏନକାଉଣ୍ଟର ଜାରି ରଖିଛନ୍ତି । ଜଣେ ଅପରାଧୀର ମୃତ୍ୟୁ ହୋଇଥିବା ସୂଚନା ମିଳିଥିବା ବେଳେ ତାର ପରିଚୟ ସ୍ପଷ୍ଟ କରିନି ପୋଲିସ ।