ଶ୍ରୀମନ୍ଦିର ଗର୍ଭଗୃହ ଓ ରତ୍ନ ସିଂହାସନ ସୁରକ୍ଷିତ ରହିଛି

ଶ୍ରୀମନ୍ଦିର ପରିଚାଳନା କମିଟି ବୈଠକ ଶେଷ ହୋଇଛି । ଆଦର୍ଶ ଗୁରୁକୂଳ ନେଇ ଏମଓୟୁ ଓ ସୋସାଇଟି ଗଠନକୁ ବୈଠକରେ ଅନୁମତି ଦିଆଯାଇଛି । ସେହିଭଳି ଆବାସ ଯୋଜନା ଖୁବ ଶୀଘ୍ର ଆରମ୍ଭ ହେବା ନେଇ ନିଷ୍ପତ୍ତି ହୋଇଛି । ଲ୍ୟାଣ୍ଡସବକମିଟି ବୈଠକର ନିଷ୍ପତ୍ତିକୁ ମଧ୍ୟ ଏଥିରେ ମୋହର ମିଳିଛି । ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ପକ୍ଷରୁ ସୂଚନା ଦିଆଯାଇଛି ।

ସେହିଭଳି ଶ୍ରୀମନ୍ଦିର ଗର୍ଭଗୃହ ଓ ରତ୍ନ ସିଂହାସନ ସୁରକ୍ଷିତ ଥିବା ସ୍ପଷ୍ଟ କରାଯାଇଛି । ରତ୍ନ ସିଂହାସନ ପଛପାର୍ଶ୍ୱରୁ ଲାଇମ ପ୍ଲାଷ୍ଟର ଖସିଥିବା ବୈଠକରେ ସ୍ପଷ୍ଟ କରାଯାଇଛି । ଏନେଇ ଏସସଆଇ ଅନୁଧ୍ୟାନ ଆରମ୍ଭ ହୋଇଛି । ଆସନ୍ତା ରଥଯାତ୍ରା ବେଳେ ଏହାକୁ ପୁନଃ ପ୍ଲାଷ୍ଟର କରାଯିବ ।