ଓଡ଼ିଶା ଫାଷ୍ଟ(ବ୍ୟୁରୋ): ସ୍ୱାମୀ-ସ୍ତ୍ରୀ କଳହକୁ ନେଇ ଶ୍ବଶୂର ଘରେ ଜ୍ବାଇଁର ବୋମାମାଡ଼ । କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ନୂଖାପଡା ଗ୍ରାମର ଏ ଘଟଣା । ଗତକାଲି ରାତିରେ ଲେମ୍ବୋ ଗାଁର ସଞ୍ଜୟ ବେହେରା ଶ୍ବଶୂର ଘରେ ବୋମାମାଡ଼ କରିଥିବା ଅଭିଯୋଗ ହୋଇଛି । ବୋମାମାଡ଼ରେ ଶ୍ୱଶୂର ବୈକୁଣ୍ଠ ବେହେରା ଅଳ୍ପକେ ବର୍ତ୍ତି ଯାଇଥିବା ବେଳେ, ସ୍ତ୍ରୀ ରାଣୀ ବେହେରା ସାମାନ୍ୟ ଆହତ ହୋଇଛନ୍ତି । ଖବର ଅନୁଯାୟୀ ୧୫ ବର୍ଷ ତଳେ ସଞ୍ଜୟଙ୍କ ସହ ବୈକୁଣ୍ଠଙ୍କ ଝିଅ ଯଶସ୍ୱୀନୀଙ୍କର ବିବାହ ହୋଇଥିଲା ।
ବିବାହର ୫ ବର୍ଷ ପରେ ମନୋମାଳିନ୍ୟ ଯୋଗୁଁ ବାପଘରେ ରହିଆସୁଥିଲେ ଯଶସ୍ୱନୀ । ବିବାହ ବିଚ୍ଛେଦ ମାମଲା କୋର୍ଟରେ ଚାଲିଥିବା ବେଳେ, ସ୍ତ୍ରୀକୁ ନେବାକୁ ଅଡି ବସିଥିଲେ ସଞ୍ଜୟ । ହେଲେ ସ୍ତ୍ରୀକୁ ଆଣିବାକୁ ଯାଇଥିବା ସଂଜୟ ଯଶସ୍ୱୀନୀକୁ ପାଇନଥିଲେ । ପରେ ଉତକ୍ଷିପ୍ତ ହୋଇ ଜ୍ୱାଇଁ ଶ୍ୱଶୁର ଘର ଉପରକୁ ବୋମାମାଡ଼ କରିଥିବା ଜଣାପଡିଛି । ସେପଟେ ଏନେଇ ଥାନାରେ ଅଭିଯୋଗ ଆଣିଛନ୍ତି ଶ୍ବଶୂରଘର ଲୋକ ।