ନିର୍ବାଚନ ବେଳେ ବୋମାମାଡ ଓ ମାରପିଟ୍ : ୨୦ରୁ ଅଧିକ ଆହତ

ଓଡ଼ିଶା ଫାଷ୍ଟ (ବ୍ୟୁରୋ): ଆଜି ପଞ୍ଚ।ୟତ ନିର୍ବାଚନ ର ପ୍ରଥମ ପର୍ଯ୍ୟାୟ ମତଦାନ। ଏହି ପରିପ୍ରେକ୍ଷୀରେ ଓଡ଼ିଶାର ବିଭିନ୍ନ ଜିଲ୍ଲାରେ ମତଦାନ ହୋଇଛି। ତେବେ ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକ ଅଲଣ୍ଡା ଗାଁରେ ନିର୍ବାଚନ ବେଳେ ବୋମାମାଡ ଓ ମାରପିଟ୍ । ଏଥିରେ ୨୦ରୁ ଅଧିକ ଆହତ ହୋଇଛନ୍ତି । ଅଲଣ୍ଡା ଗାଁରେ ମତଦାନ ଚାଲିଥିବାବେଳେ ଏହି କେନ୍ଦ୍ରକୁ ତିଛିଣା ଗାଁର ଲୋକମାନେ ଭୋଟ ଦେବା ପାଇଁ ଯାଇଥିଲେ । ଦୁଇଗାଁ ମଧ୍ୟରେ ରାଜନୈତିକ ଶତ୍ରୁତା ରହି ଆସିଥିଲା। ମତଦାନବେଳେ ପୂର୍ବ ଶତ୍ରୁତାକୁ ନେଇ ଦୁଇ ଗାଁ ମଧ୍ୟରେ ବିବାଦ ଦେଖାଦେଇଥିଲା ।

ବୋମାମାଡ ସହ ଗାଡି ମଟର ଭଙ୍ଗାରୁଜା ହୋଇଥିବା ଜଣାପଡିଛି । ଫଳରେ ୨୦ରୁ ଉର୍ଦ୍ଧ୍ବ ଲୋକ ଆହତ ହୋଇଛନ୍ତି। ଏହି ସମୟରେ ଭୋଟ୍ ବାକ୍ସ ଲୁଟିନେଇଥିବା ଅଭିଯୋଗ ହୋଇଛି । ଗାଁରେ ପୋଲିସ ପଏଁତରା ମାରୁଛନ୍ତି । ପରିସ୍ଥିତି ଶାନ୍ତ ଅଛି ବୋଲି ଅତିରିକ୍ତ ଆରକ୍ଷୀ ଅଧିକ୍ଷକ ପ୍ରଫୁଲ୍ଲ ବଡଜେନା କହିଛନ୍ତି ।