ଆସନ୍ତା ୨୦ ତାରିଖରେ ମୟୂରଭଞ୍ଜ ଆସିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଦୁଇ ଦିନିଆ ମୟୂରଭଂଜ ଗସ୍ତରେ ଆସୁଛନ୍ତି ରାଷ୍ଟ୍ରପତି । ଏନେଇ ସୂଚନା ଦେଇଛନ୍ତି ରାଇରଙ୍ଗପୁର ବିଧାୟକ ନବଚରଣ ମାଝୀ । ୨୦ ତାରିଖ ଦିନ ବାଦାମପାହାଡ ରେଲୱେ ରୁଟ୍ରେ ପ୍ରସ୍ତାବିତ ୩ ନୂତନ ଟ୍ରେନ୍ ଲୋକାର୍ପିତ କରିବେ ରାଷ୍ଟ୍ରପତି । ସେହି ଦିନ ଅନ୍ୟ ଏକ ଟ୍ରେନ୍ ଟାଟାରୁ ରାଉରକେଲାକୁ ଗଡ଼ିବ ।
ଏଥିପାଇଁ ବାଦାମପାହାଡ ରେଳଷ୍ଟେସନରେ ସ୍ୱତନ୍ତ୍ର ଆୟୋଜନ କରାଯିବ । ସେଠାରେ ରାଷ୍ଟ୍ରପତି ୩ଟି ଟ୍ରେନ୍ର ଶୁଭାରମ୍ଭ କରିବେ । ଏହା ଦ୍ୱାରା ଅଂଚଳବାସୀଙ୍କ ଦୀର୍ଘ ଦିନର ଦାବି ପୂରଣ ହେବ । ଏଥିପାଇଁ କେନ୍ଦ୍ର ସରକାରଙ୍କୁ କୃତଜ୍ଞତା ଜଣାଇଛନ୍ତି ବିଧାୟକ ନବଚରଣ ମାଝୀ ।