ଆମ ଜୀବନରେ ବୃକ୍ଷର ଖୁବ୍ ମହତ୍ତ୍ଵ ରହିଛି । ବୃକ୍ଷ ବିନା ଜୀବନ ଅସମ୍ଭବ ଅଟେ । କିଛି ବୃକ୍ଷ ରହିଛି ଯାହା ଆମ ଜୀବନ ଉପରେ ଖୁବ୍ ପ୍ରଭାବ ପକାଇ ଥାଏ । ଯାହାଦ୍ଵାରା ଆମ ଜୀବନରେ ଆର୍ଥିକ ସ୍ଥିତି ସୁଦୃଢ ହେବା ସହ ସନ୍ତାନ ମାନଙ୍କର ମଧ୍ୟ ଉନ୍ନତି ହୁଏ । ଗଛ ଲଗାଇବା ଦ୍ଵାରା ଘରକୁ ସକାରାତ୍ମକ ଶକ୍ତି ଆସିଥାଏ । ତେବେ ଆସନ୍ତୁ ଜାଣିବା ବର୍ତ୍ତମାନ୍ ଚାଲିଥିବା ଶ୍ରାବଣ ମାସରେ କେଉଁ ଗଛ ଲଗାଇବା ଦ୍ଵାରା ଜୀବନରେ ସଫଳତା ହାସଲ କରିବା ।
ଘରେ କେବେବି ବୋନ୍ ସାଇ ଗଛ ଲଗାଇବା ଉଚିତ୍ ନୁହେଁ । ଏହାଦ୍ବାରା ସନ୍ତାନ ମାନଙ୍କର ଉନ୍ନତି ରେ ବାଧା ଆସିଥାଏ ।
ତୁଳସୀ ଗଛ ଶ୍ରାବଣ ମାସ କିମ୍ବା କାର୍ତ୍ତିକ ମାସରେ ଲଗାଇବା ଆବଶ୍ୟକ । ତୁଳସୀ ଗଛ ଘରର ମଝି ଅଗଣାରେ ଲଗାଇବା ଉଚିତ୍ । ସକାଳୁ ତୁଳସୀ ପତ୍ର ଓ ତାର ମଞ୍ଜି ଖାଇବା ଦ୍ବାରା ବାଣୀ ଓ ବୁଦ୍ଧି ପ୍ରଖର ହୋଇଥାଏ ।
ଶ୍ରାବଣ ମାସରେ ଡାଳିମ୍ବ ଗଛ ଲଗାଇବା ଖୁବ୍ ଶୁଭ ଅଟେ । କିନ୍ତୁ ଏହାକୁ ଦିନ ପରିବର୍ତ୍ତେ ରାତିରେ ଲଗାଇବା ଉଚିତ୍ । ଘରର ମୁଖ୍ୟ ଦ୍ଵାରରେ ଡାଳିମ୍ବ ଲଗାଇବା ସବୁଠୁ ଉତ୍ତମ ଅଟେ । ଡାଳିମ୍ବ ଗଛ ଦ୍ଵାରା ଘରକୁ ସକାରାତ୍ମକ ଶକ୍ତି ଘରକୁ ଆସିଥାଏ । ଯଦି ଜୀବନରେ କିଛି ବଡ଼ ବିପଦ ଆସୁଛି ତେବେ ଡାଳିମ୍ବ ଫୁଲ କୁ ମହୂରେ ବୁଡାଇ ପାଣିରେ ପ୍ରବାହିତ କରିବା ଦ୍ୱାରା ବିପଦ ଆଡେଇ ଯାଇଥାଏ ।
ଶ୍ରାବଣ ମାସରେ ଯେ କୌଣସି ଶନିବାର ଦିନ ସମି ଗଛ ଘରର ବାମ ପାର୍ଶ୍ୱରେ ଲଗାଇବା ଉଚିତ୍ । ଏହାଦ୍ବାରା ଆର୍ଥିକ ସ୍ଥିତି ସୁଦୃଢ ହୋଇଥାଏ ଓ ସନ୍ତାନ ମାନଙ୍କର ଉନ୍ନତି ହୋଇଥାଏ ।
ଶ୍ରାବଣ ମାସର ଗୁରୁବାର ଦିନ ଓସ୍ତ ଗଛ ଲଗାଇବା ଶୁଭ ଅଟେ । କେବେବି ଓସ୍ତ ବୃକ୍ଷ ଘରେ ଲଗାଇବା ଉଚିତ୍ ନୁହେଁ । ଯଦି ପାରୁଛନ୍ତି ପାର୍କ କିମ୍ବା ଖାଲି ସ୍ଥାନରେ ଲଗାନ୍ତୁ । ଶନିବାର ଦିନ ସନ୍ଧ୍ୟାରେ ଓସ୍ତ ଗଛ ତଳେ ସୋରିଷ ତେଲ ଦ୍ଵିପ ଜଲାଇବା ଦ୍ଵାରା ପରିବାର ରେ ସମସ୍ତେ ସୁସ୍ଥ ରୁହନ୍ତି ।