ଓଡ଼ିଶା ଫାଷ୍ଟ(ବ୍ୟୁରୋ): ମଙ୍ଗଳବାର ଦିନ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟରେ କଟକ ଜିଲ୍ଲାର ଆଠଗଡ ବ୍ଲକ ଅନ୍ତର୍ଗତ ଅନନ୍ତପୁର ଗ୍ରାମରେ କିଛି ପ୍ରାର୍ଥୀଙ୍କ ପୋଲିଂ ଏଜେଣ୍ଟମାନେ ବୁଥ୍ ରିଂଗିଂ ଅଭିଯୋଗ ଆଣିଛନ୍ତି।
ଭୋଟ୍ ଅବାଧରେ ଜାରି ରହିଥିବାବେଳେ ମତଦାନ ଏଜେଣ୍ଟମାନଙ୍କୁ ବୁଥ୍ ନମ୍ବର ୧, ୨, ୩, ଏବଂ ୪ ରେ ବୁଥ ମଧ୍ୟକୁ ଯିବାକୁ ଅନୁମତି ଦିଆଯାଇନଥିଲା । ପୋଲିଂ ଏଜେଣ୍ଟମାନେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ, ସୁଶାନ୍ତ କୁମାର ସାହୁ ନାମକ ଜଣେ ସାମ୍ବାଦିକ ଏହି ଘଟଣାକୁ କଭର୍ କରିବାକୁ ଚେଷ୍ଟା କରିବାବେଳେ ଗ୍ରାମବାସୀଙ୍କ ଦ୍ୱାରା ଅବରୋଧିତ ହୋଇଥିଲା। ଏହି ସମୟ ମଧ୍ୟରେ ଉକ୍ତ ବୁଥ ଗୁଡ଼ିକରେ ଅନୁଷ୍ଠିତ ନିର୍ବାଚନକୁ ଅବୈଧ ଘୋଷଣା କରି ପୁନର୍ବାର ଭୋଟ କରିବାକୁ ଦାବି କରିଛନ୍ତି ପ୍ରାର୍ଥୀଙ୍କ ପୋଲିଂ ଏଜେଣ୍ଟ ।