ଓଡ଼ିଶା ଫାଷ୍ଟ(ବ୍ୟୁରୋ):ମହାରାଷ୍ଟ୍ରର ୟୁବମାଳରେ ବଡ଼ ଧରଣର ସଡ଼କ ଦୂର୍ଘଟଣା । ଯାତ୍ରୀଙ୍କୁ ନେଇ ଯାଉଥିବା ଏକ ପିକଅପ୍ ଭ୍ୟାନ୍ ପୋଲ ତଳକୁ ଖସି ଘଟଣାସ୍ଥଳରେ ୮ ମୃତ ହେବା ସହ ୧୮ ଗୁରୁତର ହୋଇଛନ୍ତି । ସୂଚନାମୁତାବକ, ପିକଅପ୍ରେ ଯାଉଥିବା ସମସ୍ତ ଯାତ୍ରୀ ଜଣେ ସମ୍ପର୍କିୟଙ୍କ ଅସ୍ତି ବିସର୍ଜନ ପାଇଁ କୋଠେଶ୍ୱର ମନ୍ଦିର ଯାଇ ସେଠାରୁ ଜୋଡ଼ମୋହା ଫେରୁଥିଲେ ।
ଏହି ସମୟରେ ହଠାତ୍ ପିକଅପ୍ ଭ୍ୟାନ୍ର ଡ୍ରାଇଭର ନିୟନ୍ତ୍ରଣ ହରାଇ ଏକ ଗଛରେ ଧକ୍କା ଦେଇ ପୋଲ ତଳକୁ ଖସିପଡିଥିଲା । ଦୂର୍ଘଟଣା ଏତେ ଭୟଙ୍କର ଥିଲା ଯେ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ଘଟିଥିବାବେଳେ ଅନ୍ୟ ଦୁଇଜଣଙ୍କର ଚିକିତ୍ସା ସମୟରେ ମୃତ୍ୟୁ ହୋଇଥିଲା । ଘଟଣାସ୍ଥଳରେ ପୋଲିସ୍ ପହଞ୍ଚି ତଦନ୍ତ ଜାରି ରଖିଛି ।