ଓଡ଼ିଶା ଫାଷ୍ଟ(ବ୍ୟୁରୋ): ପାରଳାଖେମୁଣ୍ଡି ନିର୍ବାଚନମଣ୍ଡଳୀ ଅନ୍ତର୍ଗତ କେ.ସୀତା ପୁର ଗ୍ରାମରେ ନଣନ୍ଦ ଏବଂ ଭାଉଜ ମଧ୍ୟରେ ଜୋରଦାର ନିର୍ବାଚନ ଲଢେଇ ଦେଖିବାକୁ ମିଳିବ । ଉଭୟ ନଣନ୍ଦ ଏବଂ ଭାଉଜ ସମିତି ସଭ୍ୟା ପାଇଁ ପ୍ରତିଦ୍ବନ୍ଦିତା କରୁଛନ୍ତି ।
ସୂଚନା ଅନୁଯାୟୀ, ଗଜପତି ଜିଲ୍ଲା ପାରଳାଖେମୁଣ୍ଡି ନିର୍ବାଚନମଣ୍ଡଳୀ ଅନ୍ତର୍ଗତ କାଶୀନଗର ବ୍ଲକ ରେ ଥିବା କେ.ସୀତା ପୁର ଗ୍ରାମ ପଞ୍ଚାୟତରେ ନଣନ୍ଦ ଓ ଭାଉଜ ବର୍ତ୍ତମାନ ସମିତିସଭ୍ୟା ପାଇଁ ପ୍ରତିଦ୍ବନ୍ଦିତା କରିଛନ୍ତି ଜଣେ ଦରାପୁ ଅର୍ଚ୍ଚନା ଓ ଜଣେ ବାଲା ସାୟମ୍ମା । ଜଣେ ବିଜେପି ବିଧାୟକ ନାରାୟଣ ରାଓ ଙ୍କ ଦୃଢ଼ ସମର୍ଥକ ହୋଇଥିବା ବେଳେ ଆଉଜଣେ ବିଜେଡ଼ି ତଥା ସରକାରୀ ଦଳର ସମର୍ଥିତ ପ୍ରାର୍ଥୀ ଅଟନ୍ତି । ଗତ ନିର୍ବାଚନରେ କଂଗ୍ରେସ ୧୪୦୦ ଭୋଟ ପାଇଥିଲା । କିନ୍ତୁ ବର୍ତ୍ତମାନ ସ୍ଥିତି ରେ କଂଗ୍ରେସ ର କିଛି ଦବଦବା ନାହିଁ । ବିଜେପିର ମଧ୍ୟ ଭଲ ସ୍ଥିତିରେ ନାହିଁ । ବିଜେଡ଼ି କେ ସୀତା ପୁର ଗ୍ରାମ, ଦେବ ଦଲା ସିଙ୍ଗାପୁର, ମିନିଗମ ଇତ୍ୟାଦି ଗ୍ରାମ ରେ ଭଲ ସ୍ଥିତି ରେ ଅଛି।ଏଣୁ ଆଗାମୀ କିଛି ଦିନରେ ଚିତ୍ର ସ୍ପଷ୍ଟ ହେବବୋଲି ଜଣାପଡ଼ିଛି ।