ଶୋଇବାକୁ ସମସ୍ତେ ପସନ୍ଦ କରନ୍ତି । ଏହି ବିଶ୍ରାମର ଗୋଟିଏ ମୁହୂର୍ତ୍ତକୁ କେହି ଛାଡିବାକୁ ଚାହାଁନ୍ତି ନାହିଁ । କିନ୍ତୁ କିଛି ଲୋକ ଅଛନ୍ତି ଯେଉଁମାନେ ଏହି ଆରାମଦାୟକ ମୁହୂର୍ତ୍ତକୁ ସାରା ଦିନର କାମରେ ପରିବର୍ତ୍ତିତ କରନ୍ତି । ଆଉ ଦୀର୍ଘ ସମୟ ପର୍ୟ୍ୟନ୍ତ ଶୋଇଥା’ନ୍ତି । ସ୍ୱାସ୍ଥ୍ୟ ପାଇଁ ଭଲ ନିଦ ହେବା ଆବଶ୍ୟକ, କିନ୍ତୁ କୌଣସି ଜିନିଷର ଅତ୍ୟଧିକ ମାତ୍ରା କ୍ଷତି ପହଞ୍ଚାଇଥାଏ । ଯଦି ଆପଣ ମଧ୍ୟ ଅନେକ ଘଣ୍ଟା ଶୋଉଛନ୍ତି, ତେବେ ଆପଣ ମଧ୍ୟ ଅନେକ ରୋଗକୁ ଆମନ୍ତ୍ରଣ ଦେଉଛନ୍ତି । ଆସନ୍ତୁ ଜାଣିବା କିପରି ଅଧିକ ଶୋଇବା ଆପଣଙ୍କ ପାଇଁ ବିପଜ୍ଜନକ ହୋଇପାରେ ।
ମଧୁମେହ ହେବାର ଆଶଙ୍କା:
ଅତ୍ୟଧିକ ନିଦ ହେତୁ ଶାରୀରିକ କାର୍ଯ୍ୟକଳାପ ହୋଇ ନଥାଏ । ଯାହା ସୁଗର ହେବାର ଆଶଙ୍କା ବଢ଼ାଇଥାଏ । ଜର୍ନଲ ପିଏଲଓଏସ(ଚଖକ୍ଟଝ) ପତ୍ରିକାରେ ପ୍ରକାଶିତ ଏକ ଅଧ୍ୟୟନରେ କୁହାଯାଇଛି ଯେ ୯ ଘଣ୍ଟାରୁ ଅଧିକ ଶୋଇବା ଦ୍ୱାରା ଶରୀରରେ ସୁଗର ହେବାର ଆଶଙ୍କା ବଢ଼ିଥାଏ ।
ହୃଦରୋଗ ହେବାର ଆଶଙ୍କା:
ଅତ୍ୟଧିକ ନିଦ ହୃଦଘାତର ଆଶଙ୍କା ବଢ଼ାଇଥାଏ । ଆମେରିକୀୟ ଏକାଡେମୀ ଅଫ୍ ସ୍ଲୋ ମେଡିସିନରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ, ଅଧିକ ନିଦ ହୃଦଘାତର ଆଶଙ୍କା ବଢ଼ାଇଥାଏ । ଅଧ୍ୟୟନରେ କୁହାଯାଇଛି ଯେ, ୯ରୁ ୧୧ ଘଣ୍ଟା ପର୍ୟ୍ୟନ୍ତ ଶୋଇଥିବା ମହିଳାମାନଙ୍କ ମଧ୍ୟରେ ହୃଦରୋଗ ହେବାର ସମ୍ଭାବନା ୩୮ ପ୍ରତିଶତ ବଢ଼ିଥାଏ ।
ଅବସାଦ ବା ଡିପ୍ରେଶନ ହେବାର ସମ୍ଭାବନା:
ଅତ୍ୟଧିକ ଶୋଇବା ଅବସାଦର କାରଣ ହୋଇପାରେ । ଚଖଙଝରେ ହୋଇଥିବା ଏକ ଅଧ୍ୟୟନ ଅନୁଯାୟୀ, ଅଧିକ ନିଦ ଡିପ୍ରେଶନ ସୃଷ୍ଟି କରିପାରେ । ଏହା ବ୍ୟତୀତ ଅଧିକ ସମୟ ଶୋଇବା ଦ୍ୱାରା ଅସ୍ଥିରତା ଦେଖାଯାଏ । ଏହା ଆଳସ୍ୟ ଓ ଦୈନନ୍ଦିନ ଜୀବନରେ ଅନେକ ଜିନିଷ ପ୍ରତି ଅରୁଚିକୁ ବଢ଼ାଇଥାଏ । ଆଜ୍ଞା ହଁ, ଏହି ସବୁ ଜିନିଷ ମାନସିକ ସ୍ତରରେ ମଧ୍ୟ ପ୍ରଭାବ ପକାଇଥାଏ । ଆବଶ୍ୟକ ଅନୁଯାୟୀ ଶୋଇବା ଭଲ ।
ପିଠି ଯନ୍ତ୍ରଣା:
ଅଧିକ ଶୋଇବା ଦ୍ୱାରା ପିଠି ଯନ୍ତ୍ରଣା ହୋଇପାରେ । ଯଦି ଆପଣ କମ୍ପ୍ୟୁଟରରେ କାମ କରନ୍ତି । ଗୋଟିଏ ପଟେ ଗୋଟିଏ ଚେୟାରରେ ଘଣ୍ଟା ଘଣ୍ଟା ବସି କାମ କରନ୍ତି ଏବଂ ଅନ୍ୟ ପଟେ ଅଧିକ ସମୟ ଶୋଇଥା’ନ୍ତି । ତେବେ ଏହା ଆପଣଙ୍କ ପିଠିରେ ଯନ୍ତ୍ରଣାର କାରଣ ହୋଇପାରେ । ଏହା ବ୍ୟତୀତ ଏହା ଆପଣଙ୍କ ବେକ ଓ କାନ୍ଧରେ ମଧ୍ୟ ଯନ୍ତ୍ରଣା ଦେଇପାରେ । ଅନେକ ଥର ପିଠି ଯନ୍ତ୍ରଣା, ଅଣ୍ଟା ଯନ୍ତ୍ରଣା, ବେକ ଓ କାନ୍ଧ ଯନ୍ତ୍ରଣାର କାରଣ ସଠିକ୍ ରକ୍ତ ସଞ୍ଚାଳନ ସଠିକ ଭାବେ ନହେବା ଯୋଗୁଁ ହୋଇଥାଏ । ଏପରି ପରିସ୍ଥିତିରେ ଯଦି ଆପଣ ବସି କିମ୍ବା ଶୋଇଥା’ନ୍ତି । ଆଉ ବ୍ୟାୟାମ କରନ୍ତି ନାହିଁ ତେବେ ଅଧିକ ଶୋଇବା ଆପଣଙ୍କ ପାଇଁ କଷ୍ଟକର ହୋଇପାରେ ।
ମୋଟାପଣ:
ଅଧିକ ଶୋଇବା ଦ୍ୱାରା ମେଦବହୁଳତା ସମସ୍ୟା ବଢ଼ିପାରେ । ଆଜ୍ଞା ହଁ, ଅଧିକ ଶୋଇବାର ଅର୍ଥ କୌଣସି ଶାରୀରିକ କାର୍ଯ୍ୟକଳାପ ନ କରିବା । ଏବଂ କୌଣସି ଶାରୀରିକ କାର୍ୟ୍ୟକଳାପ ନ କରିବାର ଅର୍ଥ ହେଉଛି ଘଣ୍ଟା ଘଣ୍ଟା ଖାଇବା, ବସିବା ଏବଂ ଶୋଇବା । ଫଳରେ ଓଜନ ବୃଦ୍ଧି ନିଶ୍ଚିତ ହୋଇଥାଏ । ବିଶେଷ କଥା ହେଉଛି ଶାରୀରିକ କାର୍ଯ୍ୟକଳାପର ଅଭାବ ଏବଂ ଅତ୍ୟଧିକ ନିଦ୍ରା ହଜମ ପ୍ରକ୍ରିୟାକୁ ପ୍ରଭାବିତ କରିଥାଏ । ଧୀରେ ଧୀରେ ହଜମ ହେବା ଦ୍ୱାରା କୋଷ୍ଠକାଠିନ୍ୟ ହୋଇଥାଏ । ଏହା ମୋଟାପଣର କାରଣ ହୋଇଥାଏ ।