ଓଡ଼ିଶା ଫାଷ୍ଟ(ବ୍ୟୁରୋ): ନବୀ ମୁ୍ମ୍ବାଇ ସ୍ଥିତ ଅଏଲ ଆଣ୍ଡ ନାଚୁରାଲ ଗ୍ୟାସ କର୍ପୋରେସନ(ଓଏନଜିସି) ପ୍ଲାଣ୍ଟ ରେ ଭୟଙ୍କର ଅଗ୍ନିକାଣ୍ଡ ।
ଏହି ଅଗ୍ନିକାଣ୍ଡରେ ୫ଜଣ ଜଳି ମୃତ୍ୟୁ ବରଣ କରିଥିବା ବେଳେ ୮ ଜଣ ଗୁରୁତର ଆହତ ହୋଇଛନ୍ତି । ଆହତ ଶ୍ରମିକଙ୍କୁ ୟୁରାନ୍ ରୁରାଲ୍ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ଆଜି ସକାଳ ୭ଟା ସମୟରେ ଓଏନଜିସି ପ୍ଲାଣ୍ଟ ରେ ନିଆଁ ଲାଗିଥିଲା । ଏହା ଧୀରେ ଧୀରେ ବ୍ୟାପିବାକୁ ଲାଗିଥିଲା । ଏହି ଅଗ୍ନିକାଣ୍ଡକୁ ଦୃଷ୍ଟି ରେ ରଖି ପ୍ଲାଣ୍ଟ ଚତୁରପର୍ଶ୍ଵକୁ ଖାଲି କରି ଦିଆଯାଇଥିଲା । ନବୀ ମୁ୍ମ୍ବାଇ ସ୍ଥିତ ଏହି ଓଏନଜିସି ପ୍ଲାଣ୍ଟରୁ ସମଗ୍ର ମୁମ୍ବାଇକୁ ଗ୍ୟାସ ସପ୍ଲାଏ କରାଯାଏ । ତେଣୁ ସାମୟିକ ଭାବେ ଗ୍ୟାସ ସପ୍ଲାଏକୁ ବନ୍ଦ କରାଯାଇଛି । ଦମକଳବାହୀନି ଓ ଓଏନଜିସି ଟିମ ମିଶି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି ।
