ଓଡ଼ିଶାର ପ୍ରଥମ : ଚିଲିକାରେ ହାଉସ ବୋଟ ‘ଗରୁଡ’ ଉଦଘାଟନ କଲେ ମୁଖ୍ୟମନ୍ତ୍ରୀ

ଚିଲିକା(ଓଡ଼ିଶା ଫାଷ୍ଟ ବ୍ୟୁରୋ): ଓଡ଼ିଶାର ପ୍ରଥମ ବିଳାସମୟ ଡଙ୍ଗା ଘରକୁ ଚିଲିକା ଠାରେ ଉଦଘାଟନ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଭିଡ଼ିଓ କନଫ୍ରେନ୍ସିଂ ଦ୍ୱାରା ଉଦଘାଟନ କରିଛନ୍ତି। ଚିଲିକାରେ ଆଜିଠାରୁ ଚାଲିବ ହାଉସ ବୋଟ । ଏହା ରାଜ୍ୟରେ ପ୍ରଥମ । ପର୍ୟ୍ୟଟକଙ୍କ ଖୁସି ଓ ସୁରକ୍ଷାକୁ ପ୍ରଧାନ୍ୟ ଦିଆଯାଇ ସବୁ ପ୍ରକାରର ସୁବିଧା ବୋଟରେ କରାଯାଇଛି ।

ଏହି ପ୍ରକଳ୍ପର ନାଁ ‘ଗରୁଡ’ ରଖାଯାଇଛି । ହାଉସ ବୋଟରେ ଖୁବ୍ ସୁନ୍ଦର କୋଠରୀ ରହିଛି । ଏଠାରେ ରାତି ରହଣୀ ସହ ଖାଇବାର ବ୍ୟବସ୍ଥା ରହିଛି । ଡବଲ ଇଂଜିନ ବିଶିଷ୍ଟ ବୋଟର ଲମ୍ବା ୧୦୫ ଫୁଟ ଓ ଓସାର ୨୨ ଫୁଟ । ଚିଲିକାର ଜଳବାୟୁ ଓ ପରିବେଶ ଅନୁସାରେ ଏହାର ଡିଜାଇନ କରାଯାଇଛି । ଏକାଥରେ ୬ଟି ଦମ୍ପତିଙ୍କ ପାଇଁ ୨୪ ଘଣ୍ଟା ରହଣି ବ୍ୟବସ୍ଥା ରହିଛି ।