ସୁଶାନ୍ତ ସିଂହ ଙ୍କୁ ଡରୁଛନ୍ତି କି ପାଣ୍ଡିଆନ ବାବୁ, ପୋଲିସ କୁ ଫସାଇ ଖସିଗଲେ ସୁଶାନ୍ତ ସୁଶାନ୍ତ ଙ୍କ ବେଳେ ନିରବ କାହିଁକି ପାଣ୍ଡିଆନ ବାବୁ।
ସୁଶାନ୍ତଙ୍କ ପାଇଁ ସବୁ କିଛି ମାପ, କଣ ରହିଛି ରହସ୍ୟ ଏକୁନେଇ ଉଠିଲାଣି ପ୍ରଶ୍ନ, ଅହିଂସା ର ଡିମଡିମା ପିଟୁଥିବା ମୁଖ୍ୟମନ୍ତ୍ରୀ,ପ୍ରସୟ ଦେଉଛନ୍ତି ସୁଶାନ୍ତ ଙ୍କ ଗୁଣ୍ଡାଗିରି କୁ ।
ରବିବାର ଗଣ୍ଡଗୋଳ ଘଟଣାର ସବୁ ଦୋଷ ପୋଲିସର । ପୋଲିସ ମାନେ ମଦ ପିଇକି ଯାଇଥିଲେ । ତେଣୁ ଉତ୍ତେଜନା ହେଲା । ଏଭଳି କିଛି ମନ୍ତବ୍ୟ ଦେଇ ପୋଲିସ ମୁଣ୍ଡରେ ଅଠା ବୋଳି ନିଜେ ଖଇସିଯିବାକୁ ଚେଷ୍ଟା କରୁଛନ୍ତି ବିଧାୟକ ସୁଶାନ୍ତ ସିଂ ।
ପୁନର୍ବାର ଚର୍ଚ୍ଚା ରେ ସୁଶାନ୍ତ ଙ୍କ ଗୁଣ୍ଡାଗିରି । ଗତ ରବିବାର ଦିନର ଘଟଣା କୁ ନେଇ ସୁଶାନ୍ତ ସିଂ ଙ୍କୁ ଡରୁଛନ୍ତି କି ପାଣ୍ଡିଆନ ବୋଲି ବିଜେପି ପ୍ରଶ୍ନ କରିବା ଆରମ୍ଭ କରିଦେଲେଣି । ଅପରପକ୍ଷରେ ବିଜେପି ମତେ ସହି ପାରୁନାହିଁ ବୋଲି ପାଲଟା ଅଭିଯୋଗ କରିଛନ୍ତି ସୁଶାନ୍ତ । କାହିଁକି ନା ବିଜେଡି ଦଳ ର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହିଂସା କୁ ବରଦାସ୍ତ କରାଯିବ ନାହିଁ ବୋଲି କହୁଥିବା ବେଳେ ସୁଶାନ୍ତଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ କାହିଁକି ଶୂନ । ଥରେ କିମ୍ବା ଦୁଇଥର ନୁହେଁ ଅନେକେ ଥର ହିଂସାକାଣ୍ଡ ସହ ପୂର୍ବତନ ମନ୍ତ୍ରୀ ସୁଶାନ୍ତ ସିଂହ ଙ୍କ ନାମ ସବୁବେଳେ ଜଡିତ ରହିଛି । କହିବାକୁ ଗଲେ ସୁଶାନ୍ତ ଯେଉଁଠି ହିଂସା ସେଇଠି ବୋଲି ରାଜନୈତିକ ସମୀକ୍ଷକ କହୁଛନ୍ତି । କିନ୍ତୁ ତାଙ୍କ ଦେହରେ ହାତ ମାରିବା ସାହସ ନା ମୁଖ୍ୟମନ୍ତ୍ରୀ ଙ୍କ ପାଖରେ ଅଛି ନା ପାଣ୍ଡିଆନ ବାବୁଙ୍କ ପାଖରେ ।