ଅତି ଭକ୍ତି ଚୋରର ଲକ୍ଷଣ, ଭକ୍ତି ଦେଖାଇ କଟିବେନି ତ ଚେର
ପାଣ୍ଡିଆନ ଙ୍କୁ ବଦନାମ କରିବାକୁ ବବି କରୁନାହାଁନ୍ତି ତ ଚକ୍ରାନ୍ତ, ପାଣ୍ଡିଆନ କଣ ବବି ଙ୍କୁ ଟ୍ରାଫିକ ନିୟନ୍ତ୍ରଣ କରିବାକୁ ଦେଇଥିଲେ ନିର୍ଦ୍ଦେଶ ।
ଦଳୀୟ ନେତା ଓ କର୍ମୀ ଙ୍କ ଆଗରେ କଣ ପ୍ରମାଣିତ କରିବାକୁ ଚାହୁଁଛନ୍ତି ବବି, ପାଣ୍ଡିଆନ ସମସ୍ତଙ୍କୁ ନିଜ ଅଧୀନରେ ରଖି ଦଳରେ ଆଧିପତ୍ୟ ବିସ୍ତାର କରୁଛନ୍ତି ବୋଲି ପ୍ରମାଣିତ କରୁଛନ୍ତି କି ବବି ।
ଏହା ଆମେ କହୁନାହୁଁ । ସୋସିଆଲ ମିଡ଼ିଆ ରେ ଭାଇରାଲ ହେଉଥିବା ଏକ ଭିଡିଓ ଦେଖି ଅନେକ ଟାହି ଟାପୁରା ଆରମ୍ଭ କଲେଣି । ଆପଣ ମାନେ ଭାବୁଥିବେ ଏହି ଭିଡିଓ ରେ ଏମିତି କଣ ଅଛି ଯେ ଲୋକେ ଟାହି ଟାପୁରା ଆରମ୍ଭ କଲେଣି । ଆଜ୍ଞା ଏହି ଭିଡିଓ ରେ ବିଧାୟକ ପ୍ରଣବ ପ୍ରକାଶ ଦାସ (ବବି) ବାବୁ ଙ୍କୁ ଟ୍ରାଫିକ ନିୟନ୍ତ୍ରଣ କରୁଥିବା ଅବସ୍ଥାରେ ଦେଖିବାକୁ ମିଳୁଛି । ଆପଣ ଭାବୁଥିବେ ଯଦି ବି ବବି ବାବୁ ଟ୍ରାଫିକ ନିୟନ୍ତ୍ରଣ କରୁଛନ୍ତି ଅସୁବିଧା କଣ ହେଲା ।
କୌଣସି ଜରୁରୀ ପରିସ୍ଥିତି ରେ ବବି ବାବୁ ଲୋକଙ୍କ ସେବା ପାଇଁ ଏପରି କରୁଥିବେ । ନାଇଁ ଆଜ୍ଞା ବବି ବାବୁ, ପାଣ୍ଡିଆନ ବାବୁଙ୍କ କାର୍ଯ୍ୟକ୍ରମ ଥିବାରୁ ଟ୍ରାଫିକ ନିୟନ୍ତ୍ରଣ କରୁଥିବା ଦେଖିବାକୁ ମିଳିଥିଲା । ତେବେ ଏହାକୁ ନେଇ ବିଶେଷଜ୍ଞ କହୁଛନ୍ତି, “ଅତି ଭକ୍ତି ଚୋର ର ଲକ୍ଷଣ । ପାଣ୍ଡିଆନ ବାବୁ କଣ ବବି ବାବୁଙ୍କୁ କହିଥିଲେ ଟ୍ରାଫିକ ନିୟନ୍ତ୍ରଣ କରିବାକୁ । ସେ ଏପରି କରି ଲୋକଙ୍କୁ ଦେଖାଇବାକୁ ଚାହୁଁଛନ୍ତି କି ପାଣ୍ଡିଆନ ବାବୁଙ୍କ ଚାପରେ ସେ ଚେପା । ପାଣ୍ଡିଆନ ବାବୁ ତାଙ୍କୁ ଟେଣ୍ଟ ବାନ୍ଧିବା ଠାରୁ ଆରମ୍ଭ କରି ଟ୍ରାଫିକ ନିୟନ୍ତ୍ରଣ ପରି କାମ କରିବାକୁ ନିର୍ଦ୍ଦେଶ ଦେଉଛନ୍ତି । ପାଣ୍ଡିଆନ ଙ୍କୁ ଲୋକ ଲୋଚନାରେ ଛୋଟ କରିବାକୁ ଚାହୁଁଛନ୍ତି କି ବବି ? ଲୋକଙ୍କୁ କି ବାର୍ତ୍ତା ଦେବାକୁ ଚାହୁଁଛନ୍ତି। ନିଜେ ଭଲ ହେବେ, ପାଣ୍ଡିଆନ ହେବେ ଖରାପ । ଓଡ଼ିଶା ବାସୀ ଙ୍କ ଆଗରେ ନିଜେ ହେବେ ହିରୋ ପାଣ୍ଡିଆନ ହେବେ ଭିଲେନ । ଅତି ଭକ୍ତି କରି କାଟିଦେବେ ଚେର । ଦିନେ ପ୍ୟାରୀ ଙ୍କ ଚାରିପଟେ ବୁଲୁଥିଲେ ଆଜି ପାଣ୍ଡିଆନ ଙ୍କ ଚାରିପଟେ ବୁଲୁଛନ୍ତି । କାଲି ପାଣ୍ଡିଆନ ଙ୍କ କ୍ଷତି କରି ଆଉ କାହା ଚାରିପଟେ ବୁଲୁଥିବେ” ।