ଆଉ ଦିନ କେଇଟାରେ ବିଦାୟ ନେବ ବର୍ଷ ୨୦୨୨। ନୂତନ ବର୍ଷକୁ ନେଇ ଏବେଠାରୁ ବଢ଼ିଲାଣି ଉତ୍କଣ୍ଠା। ତେବେ ଜ୍ୟୋତିଷଶାସ୍ତ୍ର ଅନୁଯାୟୀ ଏହି ବର୍ଷ ଅନେକ ରାଶିର ଲୋକଙ୍କ ପାଇଁ ଶୁଭଫଳ ଆଣି ଆସୁଛି। ବ୍ୟବସାୟ,ଚାକିରି ମାମଲାରେ ସେମାନେ ଉପରକୁ ଯିବେ। ଜାଣନ୍ତୁ:-
ମେଷ ରାଶି: ବର୍ଷ ୨୦୨୩ ଚାକିରି କ୍ଷେତ୍ର ଲାଗି ମେଷ ରାଶି ଜାତକଧାରୀଙ୍କ ପାଇଁ ବେଶ ଭଲ ରହିବ।୨୦୨୩ ଏପ୍ରିଲ ୨୨ ପରେ ହଠାତ୍ ଭାଗ୍ୟରେ ପରିବର୍ତ୍ତନ ଆସିବ। ପାଠପଢ଼ା, କ୍ୟାରିୟର, ଚାକିରି, ବ୍ୟବସାୟ ଆଦି କ୍ଷେତ୍ରରେ ଶୁଭଫଳ ମିଳିବ। ଏହି ସମୟରେ ଭଲ ଚାକିରି ଲାଗି ଅବସର ମିଳିପାରେ।
ସିଂହ ରାଶି: ୨୦୨୩ ଏହି ରାଶିର ଜାତକଧାରୀଙ୍କ ପାଇଁ ମଙ୍ଗଳଦାୟକ। କିଛି ଦିନରୁ କ୍ୟାରିୟରରେ ଚାଲିଥିବା ଅସୁବିଧା ଦୂର ହେବ। ସଫଳତା ମିଳିବ। ସରକାରୀ ଚାକିରି ଲାଗି ପ୍ରସ୍ତୁତ ହେଉଥିବା ଛାତ୍ରୀଛାତ୍ରମାନଙ୍କ ସ୍ବପ୍ନ ପୂରଣ ହୋଇପାରେ। ଚାକିରିରେ ପ୍ରମୋଶନ ଏବଂ ଦରମା ବୃଦ୍ଧିର ଯୋଗ ରହିଛି।
ତୁଳା ରାଶି: ବର୍ଷ ୨୦୨୩ରେ ତୁଳା ରାଶି ଜାତକଧାରୀଙ୍କ ଭାଗ୍ୟ ଉଦୟ ହୋଇପାରେ। ସରକାରୀ ଚାକିରି ପ୍ରସ୍ତୁତି କରୁଥିଲେ ଶୁଭ ସମାଚାର ପାଇବେ। ବିଦେଶରେ ଚାକିରି ସ୍ବପ୍ନ ଦେଖୁଥିଲେ ବି ପୂରଣ ହେବ। ଧନର ଅଭାବ ରହିବ ନାହିଁ। କ୍ୟାରିୟର ଆଗକୁ ବଢ଼ିବ।
ଧନୁ ରାଶି: ନୂଆ ବର୍ଷରେ ଧନୁ ରାଶି ବ୍ୟକ୍ତିଙ୍କର ଶନି ଦଶା ଶେଷ ହେବ। ଏହାପରେ ଚାକିରି ଏବଂ ବ୍ୟବସାୟରେ ଲଭ ମିଳିବ। ବିଦେଶରେ ବୁଲିବା ଏବଂ ଚାକିରି ଆଦି ସ୍ବପ୍ନ ପୂରଣ ହେବ। ଦରମା ବୃଦ୍ଧି ଏବଂ ପ୍ରମୋଶନର ଯୋଗ ରହିଛି। ଗୋଟିଏରୁ ଅଧିକ ସ୍ଥାନରୁ ଧନ ପ୍ରାପ୍ତି ହୋଇପାରେ। ନିଜର ବରିଷ୍ଠ ଅଧିକାରୀଙ୍କ ପୂର୍ଣ୍ଣ ସହଯୋଗ ମିଳିବ।
କୁମ୍ଭ ରାଶି: ଏହି ଜାତକଧାରୀଙ୍କ ପାଇଁ ବର୍ଷଟି ଶୁଭଫଳ ଦାୟୀ ରହିବ। ଆମଦାନୀ ବଢ଼ିବ। କାରବାର ବୃଦ୍ଧି ପାଇବ।