ଓଡ଼ିଶା ଫାଷ୍ଟ(ବ୍ୟୁରୋ): ଆନ୍ଧ୍ର ପ୍ରଦେଶରେ ଗଠନ ହେଲା ୧୩ଟି ନୂଆ ଜିଲ୍ଲା(13 Districts Forms In Andhra Pradesh) । ଗଣତନ୍ତ୍ର ଦିବସରେ ମୁଖ୍ୟମନ୍ତ୍ରୀ ୱାଇ.ଏସ ଜଗନ ମୋହନ ରେଡ୍ଡି ରାଜ୍ୟରେ ନୂଆ ଜିଲ୍ଲାଗୁଡିକୁ ମାନଚିତ୍ରରେ ସଂଯୋଗ କରିଛନ୍ତି । ନୂଆ ଜିଲ୍ଲା ଗଠନ ସହିତ ଆନ୍ଧ୍ର ପ୍ରଦେଶ 26 ଟି ଜିଲ୍ଲାରେ ରୂପାନ୍ତରିତ ହୋଇଛି । ଆନ୍ଧ୍ରପ୍ରଦେଶ ଜିଲ୍ଲା ଗଠନ ଅଧିନିୟମ, ଧାରା 3(5) ଅନୁଯାୟୀ ସରକାର ନୂତନ ଜିଲ୍ଲାଗୁଡ଼ିକୁ ସଂଯୋଗ କରି ଏକ ଗେଜେଟ୍ ବିଜ୍ଞପ୍ତି ଜାରି କରିଛନ୍ତି । ଏହି ବିଜ୍ଞପ୍ତିର 30 ଦିନ ମଧ୍ୟରେ ସେହି ଜିଲ୍ଲାଗୁଡିକରେ ରହୁଥିବା ବ୍ୟକ୍ତିଙ୍କ ଠାରୁ ଆପତ୍ତି ଏବଂ ପରାମର୍ଶ ଦାଖଲ କରିବାକୁ ଆହ୍ବାନ କରାଯାଇଛି | ଆନ୍ଧ୍ରପ୍ରଦେଶର ସଂସଦୀୟ ନିର୍ବାଚନମଣ୍ଡଳୀ ଆଧାରରେ ଏହି ନୂତନ ଜିଲ୍ଲା ଗଠନ କରାଯାଇଛି, ଯେଉଁଥିରେ ରାଜ୍ୟର 25 ଟି ଲୋକସଭା ନିର୍ବାଚନମଣ୍ଡଳୀ ମଧ୍ୟରୁ 24 ଟି ଜିଲ୍ଲାକୁ ରୂପାନ୍ତରିତ ହୋଇଛି । ବିଶାଖାପାଟନମରେ ଥିବା ଅରକୁ ଲୋକସଭା ନିର୍ବାଚନମଣ୍ଡଳୀକୁ ଦୁଇଟି ଜିଲ୍ଲାରେ ବିଭକ୍ତ କରାଯାଇଛି । ତେବେ ନୂଆ 13 ଟି ଜିଲ୍ଲାର ନାମ ହେଉଛି- ମଣିଆମ୍, ଅଲୁରୀ ସୀତାରାମ ରଜୁ, ଅନାକାପାଲ୍ଲୀ, କାକିନାଡା, କୋନା ସିମା, ଏଲୁରୁ, ଏନଟିଆର ଜିଲ୍ଲା, ବାପାଟଲା, ପାଲାଣ୍ଡୁ, ନନ୍ଦୟାଲ, ଶ୍ରୀ ସତ୍ୟସାଇ, ଅନ୍ନାମୟା ଏବଂ ଶ୍ରୀବାଲାଜୀ ଜିଲ୍ଲା ।
