ଓଡ଼ିଶା ଫାଷ୍ଟ(ବ୍ୟୁରୋ): ସମଗ୍ର ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅସୁସ୍ଥ ଓ ଚାଲିପାରୁନଥିବା ଖବର ପ୍ରଚାର ଚାଲିଥିବା ସମୟରେ ବିଜେଡ଼ି ତରଫରୁ ମୁଖ୍ୟମନ୍ତ୍ରୀଙ୍କର ଏକ ଭିଡ଼ିଓ ରିଲିଜ ହୋଇଛି । ଯେଉଁ ଭିଡ଼ିଓରେ ମୁଖ୍ୟମନ୍ତ୍ରୀ ଯୋଗ ଓ ସାଧାରଣ ବ୍ୟାୟାମ କରୁଥିବା ଦେଖିବାକୁ ମିଳିଛି । ଏହି ଭିଡ଼ିଓ ରିଲିଜ କରି ମୁଖ୍ୟମନ୍ତ୍ରୀ ମୋଦିଙ୍କୁ ଦେଇଛନ୍ତି କଡା ଜବାବ ।
ସୂଚନା ଅନୁଯାୟୀ, ଗତ ୨ତାରିଖ ଓଡ଼ିଶାର ଜୟପୁର ଗ୍ରସ୍ତରେ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫିଟନେସକୁ ନେଇ ସମାଲୋଚନା କରିଥିଲେ । ସେ ଜନସାଧାରଣଙ୍କୁ ଏକ ଫିଟ ସରକାର ଦରକାର ନା ଏକ ଢିଲାଢାଲା ସରକାର ଯେକି ୧୦ ମିନିଟରେ ଠିକରେ ଠିଆ ହେଉଛନ୍ତି ସେପରି ସରକାର ଦରକାର ବୋଲି ପଚାରି ଥିଲେ । ତେଣୁ ବିଜେଡି ତରଫରୁ ମୁଖ୍ୟମନ୍ତ୍ରୀ ଫିଟ ଥିବା ଏହି ଭିଡ଼ିଓ ସୂଚନା ଦେବା ସହ ପ୍ରଧାନମନ୍ତ୍ରୀଙ୍କୁ କଡା ଜବାବ ଦେଇଛି ।