କରୋନା ମହାମାରୀରେ ହେଲଦି ଏବଂ ଫିଟ୍ ରହିବାକୁ ଚାହୁଁଛନ୍ତି କି ? ତେବେ ସକାଳ ଜଳଖିଆରେ ଭୁଲରେ ବି ଖାଆନ୍ତୁ ନାହିଁ ଏହି ୫ଟି ଜିନିଷ
ଓଡ଼ିଶା ଫାଷ୍ଟ(ବ୍ୟୁରୋ):କରୋନା କାଳରେ ଫିଟ୍ ଏବଂ ହେଲଦି ରହିବା ପାଇଁ ଖାଦ୍ୟପେୟ ପ୍ରତି ବିଶେଷ ଧ୍ୟାନ ରଖିବା ଜରୁରୀ। ବିଶେଷଜ୍ଞଙ୍କ ମତରେ ଉପଯୁକ୍ତ ଖାଦ୍ୟପେୟ ଦ୍ବାରା ରୋଗ ପ୍ରତିରୋଧକ ଶକ୍ତିକୁ ମଜବୁତ କରିବା ଏବଂ ସୁସ୍ଥ ଏବଂ ଦୀର୍ଘ ଜୀବନ ଅତିବାହିତ କରିବାରେ ସାହାଯ୍ୟ କରିଥାଏ।
ଏକ୍ସପର୍ଟଙ୍କ ମତରେ ଯଦି ଆପଣ ଠିକ୍ ସମୟରେ ଖାଉ ନାହାନ୍ତି ତେବେ ସ୍ବାସ୍ଥ୍ୟକର ଖାଦ୍ୟ ମଧ୍ୟ କାମ ଦେଇନଥାଏ। ହେଲଦି ଏବଂ ଫିଟ୍ ରହିବା ପାଇଁ ଜଳଖିଆ ଜରୁରୀ। ଜଳଖିଆ କରିବା ଦ୍ବାରା ଆପଣଙ୍କ ଶରୀରକୁ ପୂରା ଦିନ ପାଇଁ ଶକ୍ତି ମିଳିଥାଏ। ଆସନ୍ତୁ ଜାଣିବା ଏପରି ଜିନିଷ ବିଷୟରେ ଯାହା ଆପଣଙ୍କୁ ଜଳଖିଆରେ ଖାଇବା ଅନୁଚିତ୍।
୧.ଫ୍ଲେକ୍ସ ଏବଂ ସେରେଲ୍ସ : ଏହା ପ୍ରସ୍ତୁତ କରିବା ସହଜ ହୋଇଥିବାରୁ ଅଧିକାଂଶ ଲୋକେ ଏହାକୁ ଜଳଖିଆରେ ଖାଇଥାନ୍ତି। ଏଥିରେ ଚିନି ପ୍ରଚୁର ପରିମାଣରେ ଥାଏ ଯାହା ଦ୍ବାରା ପରେ ପେଟରେ ଚର୍ବି ହୋଇଥାଏ। ଏହା ବ୍ୟତୀତ ଏଥିରେ ଅଧିକ ପରିମାଣର କ୍ୟାଲୋରୀ ଥାଏ ଯାହା ଓଜନ ବଢ଼ାଇବାରେ ସହାୟକ ହୁଏ। ଏହା ବଦଳରେ ଆପଣଙ୍କୁ ସୁଗର ଫ୍ରି ଘରେ ପ୍ରସ୍ତୁତ ଡଲିୟା ଖାଇବା ଉଚିତ୍। ଯେଉଁଥିରେ ଉଚିତ୍ ମାତ୍ରାରେ ଫାଇବର ଥାଏ ।
୨.ପ୍ୟାନକେକସ : ଅନେକ ଲୋକେ ଜଳଖିଆରେ କିମ୍ବା ଅଫିସ୍ ଯିବା ସମୟରେ ପ୍ୟାନକେକ୍ ,ଓ୍ବେଫଲ୍ସ ଏବଂ କୁକିଜ ଖାଇବାକୁ ପସନ୍ଦ କରିଥାନ୍ତି। ଏଥିରେ ରିଫାଇନ୍ଡ କାର୍ବୋହାଇଡ୍ରେଟ୍ ଥାଏ। ରିଫାଇନ୍ଡ କାର୍ବୋହାଇଡ୍ରେଟ୍ ଦିନ ସାରା ଭୋକ ବଢ଼ାଇଥାଏ। ଏହା ବ୍ୟତୀତ ଏଥିରେ ବହୁତ କମ୍ ଫାଇବର ରହିଥାଏ। ଏବଂ ଅଧିକ ମାତ୍ରାରେ ଟ୍ରାନ୍ସ ଫ୍ୟାଟ୍ ହୋଇଥାଏ ଯାହା ଆପଣଙ୍କ ସ୍ବାସ୍ଥ୍ୟ ପାଇଁ ହାନିକାରକ ହୋଇଥାଏ।
୩.ବସା ନହୋଇଥିବା ଦହି : ବସା ନହୋଇଥିବା ଦହି ବ୍ୟାପକ ଭାବେ ଉପଲବ୍ଧ ବିକଳ୍ପ ହୋଇଛି। ଦୁର୍ଭାଗ୍ୟବଶତଃ, ସ୍ବାଦ ଏବଂ ପ୍ରୋଟିନ୍ ଯୋଡ଼ିବା ପାଇଁ ସୁଗର ମିକ୍ସ ହୋଇଥାଏ। ଅଧ୍ୟୟନରୁ ଏହା ମଧ୍ୟ ଜଣା ପଡ଼ିଛି ଯେ ଫୁଲ୍ ଫ୍ୟାଟ୍ ଯୁକ୍ତ ଦହି ପ୍ରକୃତରେ ଓଜନ କମ୍ କରିବାରେ ସହାୟକ ହୋଇଥାଏ। ସକାଳେ ପ୍ରୋଟିନ୍ ସେବନ କରିବା ଦ୍ବାରା ଦିନରେ କମ୍ ଭୋକ ଲାଗିଥାଏ। ଏହା ପରିବର୍ତେ ଆପଣଙ୍କୁ ବିନା ଚିନି ଯୁକ୍ତ ଦହି ସେବନ କରିବା ଉଚିତ୍।
୪. ଫଳ ରସ : ଅଧିକାଂଶ ଫଳ ରସରେ ଯେତିକି ସୋଡ଼ା ଥାଏ ସେତିକି ଚିନି ଥାଏ। ଏଥିରେ ଫାଇବର ମଧ୍ୟ ନଥାଏ। ଏହି କାରଣରୁ ଜୁସ୍ ଜଳଖିଆ ପାଇଁ ଠିକ୍ ନୁହେଁ।
୫. ବଟର ଟୋଷ୍ଟ୍ : ଅଧିକାଂଶ ଲୋକଙ୍କୁ ଲାଗିଥାଏ ଯେ ଏହାକୁ ଜଳଖିଆରେ ଖାଇବା ଉଚିତ୍। କିନ୍ତୁ ସକାଳେ ଉଠି ଏହାକୁ ଜଳଖିଆରେ ଖାଇବା ଦ୍ବାରା ଆପଣଙ୍କୁ ଅନେକ ସମସ୍ୟା ହୋଇପାରେ। ଆପଣ ବ୍ରେଡରେ ଲହୁଣି ପରିବର୍ତେ ପିନଟ୍ ବଟର ଲଗାଇ ପାରିବେ।