ଓଡ଼ିଶା ଫାଷ୍ଟ(ବ୍ୟୁରୋ): କରୋନା’ ପାଇଁ ସମଗ୍ର ଦେଶରେ ଲକ୍ଡାଉନ୍ ଚାଲିଥିବା ବେଳେ ସ୍କୁଲ୍, କଲେଜ ସବୁ ବନ୍ଦ ରହିଛି। ସବୁ ବେଳେ ଘରେ ରହି ରହି ପିଲାମାନେ ବିରକ୍ତି ଭାବ ମଧ୍ୟ ପ୍ରକାଶ କରୁଛନ୍ତି। ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଆରମ୍ଭ କରିଛନ୍ତି
‘ମୋ ପ୍ରତିଭା’ ଅନ୍ଲାଇନ୍ ପ୍ରତିଯୋଗିତା। ଏନେଇ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍ କରାଯାଇଛି। ‘ମୋ ପ୍ରତିଭା’ ନାମକ ଏହି ପ୍ରତିଯୋଗିତାକୁ ୟୁନିସେଫ୍ ସହ ମିଶି ଆରମ୍ଭ କରିଛନ୍ତି।
ସୂଚନାଯୋଗ୍ୟ, ଏଥିରେ ୫ବର୍ଷରୁ ୧୮ ବର୍ଷ ବୟସର ପିଲା ଭାଗ ନେଇପାରିବେ। ଚିତ୍ରକଳା, ଚିତ୍ରାଙ୍କନ, ପୋଷ୍ଟର ଓ ସ୍ଲୋଗାନ ଲିଖନ ସହ ସର୍ଟ ଷ୍ଟୋରୀ ଏବଂ କବିତା ଲିଖନ ଭଳି ପ୍ରତିଯୋଗିତା ରହିଛି । ଏଥିରେ ଭାଗ ନେଉଥିବା ପିଲାମାନେ ନିଜ ନାମ, ବୟସ, ସ୍କୁଲ ଏବଂ ସମ୍ପୂର୍ଣ୍ଣ ଠିକଣା ଲେଖି ସରକାରଙ୍କ ହ୍ୱାଟ୍ସଅପ୍ ନମ୍ବର ୭୬୫୭୦୩୯୮୯୧ ଏବଂ ଇମେଲ୍ [email protected]କୁ ପଠାଇପାରିବେ।