ଘରେ ହେଉ କି ବାହାର ସମସ୍ତଙ୍କୁ ଦର୍ପଣ ଆବଶ୍ୟକ । ଏହାକୁ ଘରର କୌଣସି ନା କୌଣସି କୋଣରେ ଲଗା ଯାଇଥାଏ। ପ୍ରତ୍ୟେକ ବ୍ୟକ୍ତିଙ୍କ ଜୀବନରେ ଏହାର ଗୁରୁତ୍ୱପୂର୍ଣ୍ଣ ସ୍ଥାନ ରହିଥାଏ। ଯଦି ଦର୍ପଣକୁ ସଠିକ୍ ଦିଗରେ ରଖାଯାଏ, ତେବେ ବ୍ୟକ୍ତି ଏହାର ସକରାତ୍ମକ ଫଳାଫଳ ପାଇଥାଏ। ଭୁଲ୍ ଦିଗରେ ରଖାଯାଇଥିବା ଦର୍ପଣ ଘରେ ରହୁଥିବା ଲୋକଙ୍କ ପାଇଁ ସମସ୍ତ ପ୍ରକାରର ସମସ୍ୟା ଆଣିଥାଏ। ବାସ୍ତୁ ଶାସ୍ତ୍ର ଅନୁଯାୟୀ, ଘରେ ଥିବା ଦର୍ପଣରୁ ଏକ ପ୍ରକାର ଶକ୍ତି ସଞ୍ଚାରିତ ହୋଇଥାଏ। ତେଣୁ ଘରେ ଦର୍ପଣ ସ୍ଥାପନ କରିବା ସମୟରେ ଦିଗ ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ। ଆସନ୍ତୁ ଜାଣିବା ଦର୍ପଣ ସହିତ ଜଡିତ କିଛି ଜିନିଷ ବିଷୟରେ, ଯାହା ଆପଣଙ୍କ ଘରେ ସୁଖ-ସମୃଦ୍ଧି ବୃଦ୍ଧି କରିଥାଏ।
ଘରର ଦକ୍ଷିଣ ଏବଂ ଦକ୍ଷିଣ-ପଶ୍ଚିମ ଦିଗରେ ଦର୍ପଣ ରଖିବା ଉଚିତ୍ ନୁହେଁ। କାରଣ ଦର୍ପଣ ଜଳର ଉତ୍ସ, ସେଥିପାଇଁ ଏହାକୁ ସଠିକ୍ ଦିଗରେ ଲଗାଇବା ଆବଶ୍ୟକ। ଦକ୍ଷିଣ କିମ୍ବା ପଶ୍ଚିମ କାନ୍ଥରେ ରଖାଯାଇଥିବା ଦର୍ପଣ ବିପରୀତ ଦିଗରୁ ଆସୁଥିବା ଶକ୍ତିକୁ ପ୍ରତିଫଳିତ କରିଥାଏ।
ଘରେ କେବେବି ରଙ୍ଗୀନ ଦର୍ପଣ ରଖନ୍ତୁ ନାହିଁ। ଏହାର ଖରାପ ପ୍ରଭାବ ରହିଥାଏ। ସେହିପରି ଆପଣଙ୍କ ଶୋଇବା ଘରେ ଦର୍ପଣକୁ ଲଗାଇବା ଉଚିତ ନୁହେଁ। ଜଳର ଉତ୍ସ ହୋଇଥିବାରୁ ଦର୍ପଣ ସମୃଦ୍ଧତା ପ୍ରଦାନ କରିଥାଏ। କିନ୍ତୁ ଏହାର ଦିଗ ଠିକ୍ ହେଲେ ହିଁ ଏହା ପ୍ରଭାବଶାଳୀ ହୋଇଥାଏ। ଦକ୍ଷିଣ ଦିଗରେ ଘରର କାନ୍ଥରେ ଦର୍ପଣ ଲଗାନ୍ତୁ ନାହିଁ। ଏହା ଆର୍ଥିକ କ୍ଷତି ଘଟାଏ କାରଣ ଏହା ଯମଙ୍କର ଦିଗ।
ଐଶାନ କୋଣରେ ଜଳର ସ୍ଥାନ ହୋଇଥାଏ। ଐଶାନ ଅର୍ଥାତ୍ ପୂର୍ବ ଏବଂ ଉତ୍ତରର ମଧ୍ୟ ସ୍ଥାନ। ଆପଣ ଏହି ସ୍ଥାନରେ ଦର୍ପଣ ରଖିପାରିବେ। ଘରର ପୂର୍ବ କିମ୍ବା ଉତ୍ତରରେ ରଖାଯାଇଥିବା ଦର୍ପଣ ଶୁଭ ହୋଇଥାଏ।