ଓଡ଼ିଶା ଫାଷ୍ଟ(ବ୍ୟୁରୋ) : ଏବେ ଚାଲିଛି ବିବାହ ଋତୁ । କରୋନା କଟକଣା କୋହଳ ହେବା ପରେ ବିବାହକୁ ଧୂମଧାମରେ କରିବାକୁ ସମସ୍ତେ ଲାଗିପଡିଛନ୍ଚି । ତେବେ ପଶ୍ଚିମବଙ୍ଗର ହୁଗଲି ଅଞ୍ଚଳରେ ଏକ ନିଆରା ବିବାହ ଏବେ ଚର୍ଚ୍ଚାର ବିଷୟ ପାଲଟିଛି । ତେବେ ବିବାହର ଖାସିୟତ ହେଉଛି ଜଣେ ମହିଳା ପୁରୋହିତ ସେହି ବିବାହ କରିଛନ୍ତି । ବହୁ ବର୍ଷ ଧରି ପୁରୁଷମାନେ ଅନୁସରଣ କରୁଥିବା ପରମ୍ପରାରେ ଲାଗିଛି ବ୍ରେକ୍ ।
ଅର୍ଥାତ୍ ଏଥର ମହିଳା ପୂଜାରୀ କରିଛନ୍ତି ବିବାହ । ସୋସିଆଲ ମିଡିଆରେ ଭାଇରାଲ ହୋଇଛି ଏକ ଫଟୋ । ଯେଉଁଥିରେ ମହିଳା ପୁରୋହିତ ମନ୍ତ୍ର ପାଠ କରିବା ସହ ବିବାହ କର୍ମ କରୁଛନ୍ତି । କେବଳ ସେତିକି ନୁହେଁ ବେଦ ମନ୍ତ୍ରପାଠ ପଢି ଯଜ୍ଞ ବି କରୁଛନ୍ତି । ସୂଚନା ଥାଉକି, ଏହି ବିବାହ ବନ୍ଧନରେ ବାନ୍ଧି ହୋଇଥିବା ଏହି ଦମ୍ପତି ଉଭୟେ ପୂର୍ବରୁ ଭାବିଥିଲେ ଯେ ସେମାନେ ପାରମ୍ପାରିକ ବଙ୍ଗୀୟ ବିବାହରୁ କିଛି ଅଲଗା କରିବେ ।
ଏହା ପରେ ମହିଳା ପଣ୍ଡିତ ଅନୀତା ମୁଖୋପାଧ୍ୟାୟଙ୍କ ସହ ଯୋଗାଯୋଗ କରାଯାଇଥିଲା । ସେ ଏହି ବିବାହ କରିବାକୁ ରାଜି ହୋଇଥିଲେ । ଏହି ନବ ବିବାହିତଙ୍କ ପ୍ରେମ କାହାଣୀ ବଲିଉଡ ଫିଲ୍ମଠାରୁ କମ୍ ନୁହେଁ । ଉଭୟ ପୁଅ ଏବଂ ଝିଅ ବୃତ୍ତି ଅନୁଯାୟୀ ସଫ୍ଟୱେୟାର ଇଞ୍ଜିନିୟର ଅଟନ୍ତି । ଦିଲ୍ଲୀରେ କାମ କରିବା ସମୟରେ ଉଭୟଙ୍କୁ ଭେଟିଥିଲେ । ଉଭୟ ପ୍ରେମରେ ପଡିଗଲେ । ପ୍ରେମ ଏତେ ବଢିଗଲା ଯେ ଦୁହେଁ ପରସ୍ପର ସହିତ ବୈବାହିକ ବନ୍ଧନରେ ବାନ୍ଧି ହେବାକୁ ନିଷ୍ପତ୍ତି ନେଇଥିଲେ ।
ତେବେ ସେମାନେ ସେମାନଙ୍କ ବିବାହ ବନ୍ଧନକୁ ଅଧିକ ସ୍ୱତନ୍ତ୍ର କରିବା ପାଇଁ ଦମ୍ପତ୍ତି ନିଷ୍ପତ୍ତି ନେଇଥିଲେ । ସେଥିପାଇଁ ପ୍ରଥମ ଥର ପାଇଁ ମହିଳା ପୁରୋହିତ ସେମାନଙ୍କ ବିବାହ କରିଥିଲେ । ଏହାପୂର୍ବରୁ, କେତେକ ସ୍ଥାନରେ ମହିଳାମାନଙ୍କୁ ପୁରୁଷଙ୍କ ପରିବର୍ତ୍ତେ ପୁରୋହିତମାନଙ୍କର ଦାୟିତ୍ୱ ଦିଆଯାଇଥିଲା । ଏହା କରିବା ବ୍ରାହ୍ମଣବାଦ ଏବଂ ପୁରୁଷ ପ୍ରଣାଳୀ ସମାଜକୁ ଏକ ଦର୍ପଣ ଦେଖାଇବା କାର୍ଯ୍ୟ । ଏଥର ମଧ୍ୟ ଏହି ବଙ୍ଗଳା ଦମ୍ପତି ସମାନ ଉଦ୍ଦେଶ୍ୟରେ ଜଣେ ଲେଡି ପୁରୋହିତ ସହାୟତାରେ ବିବାହ କରିଛନ୍ତି ।